სასწავლო პროცესის ორგანიზება

• • • სასწავლო პროცესის ორგანიზება

      სასწავლო პროცესის ორგანიზება ხორციელდება სასკოლო კურიკულუმის საფუძველზე, რომლის შემუშავება ხორციელდება სასწავლო წლის დასაწყისში გასული სასწავლო წლის SWOT ანალიზის შედეგების,სკოლის სტრატეგიული განვითარების შვიდწლიანი და ერთწლიანი სამოქმედო გეგმების, აუდიტისა და ანკეტირების შედეგების და შეფასების საფუძველზე. სასკოლო კურიკულუმის შემუშავების, მონიტორინგისა და შეფასების პროცესში ჩართულია მთელი სასკოლო საზოგადოება და ყველა დაინტერესებული მხარე.

      სასკოლო კურიკულუმი ეფუძნება ეროვნულ სასწავლო გეგმას და სკოლის ფილოსოფიას. ის პასუხობს მოსწავლეთა მოთხოვნებს და საშუალებას აძლევს მათ, შეიძინონ ეროვნული სასწავლო გეგმითა და სკოლის მისიით გათვალისწინებული ცოდნა და უნარ-ჩვევები.   

      სასკოლო კურიკულუმს განიხილავს სკოლის პედაგოგიური საბჭო და ამტკიცებს სკოლის დირექტორი, სადაც, ასევე, მტკიცდება  სემესტრების ბოლოს, გადახედვის შედეგად განხორციელებული ცვლილებები. 

      სასკოლო კურიკულუმი მოიცავს სწავლა-სწავლების პროცესის ორგანიზების ადმინისტრაციული და კონცეპტუალური საკითხებს:

      • ზოგადი განათლების საფეხურები, მათი მისია და მიზნები;
      • განათლების ენები და ენობრივი განათლება;
      • ეროვნული სასწავლო გეგმის საგანმანათლებლო პრინციპები;
      • მეთოდიკური ორიენტირები;
      • სტანდარტით განსაზღვრული  საფეხურის მისაღწევი შედეგები
      • სასწავლო წლის კალენდარი სკოლაში;
      • მოსწავლეთა რაოდენობა კლასში;
      • სკოლის საერთო კულტურა;
      • დამრიგებლის მოვალეობები;
      • საგნობრივი კათედრები  სკოლაში;
      • სასკოლო სასწავლო გეგმა;
      • საგანმანათლებლო რესურსები;
      • მოსწავლის შეფასება;
      • გამოცდის ტიპები;
      • მოსწავლეთა აკადემიური მიღწევის აღიარება;
      • გაცდენები;
      • შინ სწავლება;
      • ინკლუზიური განათლება;
      • სავალდებულო და არჩევითი საგნები;
      • საათობრივი ბადე.