სასწავლო გაცვლითი პროექტები იტალიაში

ქართულ-იტალიური ურთიერთობები და

სასწავლო გაცვლითი პროექტები

 

საქართველოში იტალიის საელჩო აქტიურად უჭერს მხარს და თანამშრომლობს სკოლასთან. საელჩოს დახმარებით, არაერთი პროექტი განხორციელდა. ყოველწლიურად  სკოლის ბიბლიოთეკა მდიდრდება იტალიური ენის უახლესი სახელმძღვანელოებით, აუდიო-ვიდეო მასალით, მხატვრული და მეთოდური ლიტერატურით. იტალიის საელჩო ზრუნავს ქართველი პედაგოგების პროფესიულ განვითარებაზე, სხვადასხვა პროექტს, ტრენინგს, ლექცია-სემინარს სთავაზობს მათ. სკოლის პედაგოგები საელჩოს ხელშეწყობით ყოველწლიურად გადიან სწავლებას სიენისა და პერუჯის უნივერსიტეტეტებში.

იტალიურ სკოლა „ცისკარსა“ და იტალიის სხვადასხვა ქალაქების სკოლებს შორის 1998 წლიდან ჩაეყარა საფუძველი სასწავლო-გაცვლით პროექტებს. სკოლა მჭიდროდ თანამშრომლობს იტალიის ქალაქების ბორგომანეროს, ვერბანიის, პალერმოს, ტურინის, მილანისა და რომის სკოლებთან, ასევე, ასოციაციებთან და საზოგადოებებთან. ყოველწლიურად, გაზაფხულზე იტალიური სკოლის მოსწავლეები, გაცვლითი პროექტის ფარგლებში მიემგზავრებიან იტალიაში, ხოლო შემოდგომაზე თავად მასპინძლობენ იტალიელ თანატოლებს საქართველოში.

1999 წელს, საზოგადოება „ საქართველო-იტალიის“ მაშინდელი პრეზიდენტის, ჩვენი სკოლის ყოფილი პედაგოგის ქეთევან ჯაფარიძისა და იტალიელი ქალბატონების ჯოვანა საჩელინი-პიემონტეზის და  ბორგომანეროს საბაზო სკოლის „ვიალე დანტეს“ იტალიური ენის პედაგოგის მარინა ტაპას დიდი  ძალისხმევით საფუძველი ჩაეყარა სასწავლო-გაცვლით პროექტს,  ქალაქ ბორგომანეროს „ვიალე დანტეს“ სკოლასთან. გაცვლითი პროექტის მიზანი იყო ორი ქვეყნის ახალგაზრდა თაობების დაახლოება. საკუთარი ქვეყნების ისტორიის, კულტურის, ტრადიციების ერთმანეთისთვის გაცნობა და გაზიარება..

2005 წელი... პალერმო, სიცილია. მსოფლიოს თავისუფალ ბავშვთა ასოციაცია „ლიბელულას“ პრეზიდენტის ქ-ნი ლეონარდა ამელა-მანჯარაჩინას ხელშეწყობით, იტალიური სკოლა ახალ სასწავლო-გაცვლით პროექტში ჩაერთო. იტალიური სკოლის მოსწავლეებისა და პედაგოგებისათვის პალერმოს სკოლებში ვიზიტი მნიშნელოვანი ნაბიჯი გახდა -   იტალიური ენის შესწავლის, მულტიკულტურული, სწავლების ახალი მეთოდებისა და მიდგომების  გაცნობის  თვალსაზრისით.

2006 წელი... იტალიის საელჩოს და ტოროკის (Toroc – Comitato per l’organizzazione dei XX Giochi Olimpici invernali – Torino 2006) მიერ ინიცირებული ახალი პროექტი - ერთი სკოლა-ერთი ქვეყანა (One school – One country), ახალი იდეებით და შესაძლებლობებით.  ქართველ მოსწავლეებს საშუალება მიეცათ გარდა სასწავლო პროგრამისა, დასწრებოდნენ ტურინის ზამთრის ოლიმპიადასა და პარაოლიმპიურ თამაშებს. აღნიშნული ვიზიტი ქ. ვერბანიის „რანცონის“ სკოლის პეადაგოგის, ქ-ნი ფულვია კასტელლის ხელშეწყობით 10 წლიანი პარტნიორობის საფუძველი გახდა.

იტალიის საელჩოს კულტურის ყოფილი ატაშეს სილვანა მუცატიმ დახმარებით, 2010 წლიდან იტალიური სკოლა ჩართო ქ.უდინეს „ჯოვანნი მარინელის“ სახელობის ლიცეუმთან კულტურათაშორის გაცვლით პროექტში. ქ-ნმა სილვანამ ქართული კულტურით და ისტორიით იმდენად მოხიბლა იტალიელი მოსწავლეები, რომ 2011 წელს, ჩვენს სკოლას სასწავლო-გაცვლითი პროექტების ისტორიაში, მოსწავლეთა ყველაზე მრავალრიცხოვანი ჯგუფი (32 მოსწავლე) ესტუმრა.

წლების განმალობაში იტალიური სკოლა ერთგვარ ხიდად იქცა საქართველოსა და იტალიას შორის. იქცა, ამ  ორი ქვეყნის კულტურათა გაცვლის, მეგობრობის განმტკიცების საფუძვლად.