საშაბათო სკოლა

საშაბათო სკოლა

მიზანი: სწავლა - სწავლების ხარისხის გაუმჯობესების მიზნით, მოსწავლეზე ორიენტირებული დამატებითი საგანმანათლებლო პროცესის დახმარებით, შედეგზე ორიენტირება.

ამოცანები:

ა)  ჩამოუყალიბოს მოსწავლეს პოზიტიური დამოკიდებულება საგნისადმი;
ბ)  გააძლიეროს მოსწავლეებში შერჩეული საგნის გაღმავებული სწავლის სურვილი;
გ) მიეცეს მოსწავლეს მყარი და დინამიური ცოდნა. მასალა მიეწოდოს მრავალმხრივად და ეტაპობრივად;
დ) საფუძველი შეუქმნას მოსწავლეებს მიიღონ ის ცოდნა და უნარ-ჩვევები, რაც მათ დაეხმარებათ ჩაებან სასკოლო, ეროვნულ და საერთაშორისო კონკურსებსა და ოლიმპიადაში;
ე)  განუვითაროს მოსწავლეებს ლოგიკური, ანალიტიკური, შემოქმედებითი და სიმბოლური აზროვნება;
ვ)  შეიძინონ მიღებული ცოდნისა და უნარ-ჩვევების პრაქტიკაში გამოყენების გამოცდილება;
ზ) გაიღრმავონ სტანდარტით გათვალისწინებული ცოდნა და უნარები, შეისწავლონ მათთვის საინტერესო საკითხები;
თ) გახდნენ თანამედროვე საზოგადოებაში კონკურენტუნარიანები და ხელი შეუწყონ სკოლის იმიჯის ამაღლებას სასწავლო გარემოში.

წლის ბოლოს მისაღწევი შედეგი:  

- მოსწავლეებში საგნისადმი პოზიტიური დამოკიდებულების ჩამოყალიბება;

- საგნის სიღრმისეული სწავლების შედეგად მოსწავლეთა სასკოლო, ეროვნულ და საერთაშორისო კონკურსებსა და ოლიმპიადაში, სასერტიფიკაციო გამოცდებში მონაწილეობის რაოდენობრივი და ხარისხობრივი მაჩვენებლის ზრდა.

საგანმანათლებლო პროცესის ორგანიზება:

სწავლება მიმდინარეობს შაბათობით, სასკოლო სივრცეში და/ან  ზუმის პლატფორმის მეშვეობით,წინასწარ განსაზღვრული საგაკვეთილო ცხრილისა და მოსწავლეთა დონეების მიხედვით,  შემდეგ ასაკობრივ ჯგუფებში: V, VI, VII, IX, X, XI კლასები. საშაბათო სკოლა მუშაობას იწყებს 1 ოქტომბრიდან და/ან საჭიროებისამებრ.

მიმართულებები:

- ინგლისური ენა;

- იტალიური ენა;

- მათემატიკა.

პასუხისმგებელი პირები:

დირექტორი, დირექტორის მოადგილეები სასწავლო დარგში, ხარისხის მართვის მენეჯერი, კათედრის გამგეები, პედაგოგები, დამრიგებლები.

მოსწავლეთა შეფასების სისტემა: 

- შეფასების ფორმა - განმავითარებელი შეფასება;
- დიაგნოსტიკური ტესტირება წელიწადში 2-ჯერ, რომელიც შეფასდება ჩათვლით  - ბარიერი 51 %;
- მოსწავლე, რომლის  მიერ სემესტრულად გაცდენილი საათები, სემესტრული  საათების  20%-ზე მეტია, კარგავს საშაბათო სკოლით სარგებლობის უფლებას;
- უცხოურ ენებში (ინგლისური ენა, იტალიური ენა) მოსწავლეს მიეცემა რეკომენდაცია გავიდეს გარე სასერტიფიკატო გამოცდაზე, თუ მისი შედეგი არის 61 % და მეტი.

შესაძლებელია შეფასების სისტემის შეცვლა კათედრის თავმჯდომარეებთან შეთანხმებით.

საგანმანათლებლო   რესურსი:

დაფა, მარკერი, სილაბუსით განსაზღვრული  სახელმძღვანელოები, საგანმანათლებლო ელექტრონული ინტერნეტრესურსები,  ეროვნული და საერთაშორისო გამოცდების ცენტრის მიერ ჩატარებული  გამოცდებისა და   ოლიმპიადების მასალები, ტესტებისა და ამოცანების კრებულები.

საშაბათო სკოლის მუშაობის მონიტორინგი:

საშაბათო სკოლის მუშაობის მონიტორინგი ხორციელდება სკოლის ადმინისტრაციის, ხარისხის მართვის მენეჯერის, კათედრის გამგეების მიერ სემესტრულად და წლიურად, მოსწავლეთა ტესტირებისა და  საერთო შედეგების/ანგარიშების, მშობელთა კმაყოფილების მიხედვით:

- მასწავლებლის მუშაობის მონიტორინგი ხორციელდება კათედრის გამგის მიერ ყოველთვიური  დაკვირვების, მოსწავლეთა სემესტრული შედეგებისა და  ჯგუფებში მოსწავლეთა რაოდენობის სემესტრული ანალიზის  მიხედვით;
- მოსწავლის შედეგების მონიტორინგი ხორციელდება მოსწავლეთა ტესტირებით.

მომხმარებლის აზრის კვლევა: 

სწავლის დასრულებამდე, მომხმარებლის აზრის კვლევის მიზნით ტარდება ანკეტირება.
საშაბათო სკოლის მომსახურება ხორციელდება შემდეგ საგნებში:  ინგლისური ენა, იტალიური ენა, მათემატიკა.