• საერთაშორისო (იტალიურ - ქართული ბილინგვური) სექტორი

         

        სკოლა მოსწავლეებს სთავაზობს საერთაშორისო, ორენოვანი, იტალიურ-ქართულ სექტორს. სექტორის ფარგლებში მოსწავლე ვალდებულია დაძლიოს იტალიური ენის ცოდნის C1 დონე, იტალიის რესპუბლიკის განათლების სამინისტროს მიერ დადასტურებული ორენოვანი კურიკულუმით გათვალისწინებული გამოსაშვები გამოცდის ჩატარების წესისა და სასწავლო გეგმის საფუძველზე (იტალიის რესპუბლიკის საგანგებო და სრულუფლებიანი ელჩის  2021 წლის 2 დეკემბრის პროტ. 1025).

        სკოლაში შექმნილი იტალიურ-ქართული ორენოვანი სექტორი მოიცავს ხუთწლიან სასწავლო კურსს.

        საქართველოს განათლებისა და მეცნიერების სამინისტროსთან შეთანხმებით,  იტალიური ენისა და კულტურის სწავლება ინტეგრირებულია რამდენიმე საგნობრივ ჯგუფთან. შერჩეული საგნები ისწავლება იტალიურ ენაზე. საგნების შეირჩევა ხელშეკრულებაში მონაწილე ორივე მხარის მიერ და დეტალურად ზუსტდება იტალიურ-ქართული სექტორის სასწავლო გეგმაში, რომელიც სასკოლო კურიკულუმის განუყოფელი ნაწილია.

        ხელშეკრულებაში მონაწილე მხარეები რეგულარულად აკვირდებიან იტალიურ ენაზე შესასწავლი საგნების სასწავლო გეგმას, სასწავლო მასალებთან დაკავშირებულ საჭიროებებს, მასწავლებელთა მოთხოვნებს, ორენოვან სექტორში სწავლების მეთოდოლოგიებსა და იმ მასწავლებელთა გადამზადებას, რომლებიც სწავლებას იტალიურ ენაზე ახორციელებენ.

        სკოლის ორენოვანი იტალიურ-ქართული სექტორის მიერ გაცემული დიპლომი, რომელიც გაიცემა იტალიის მხარის მიერ ორგანიზებული სახელმწიფო გამოსაშვები გამოცდის ჩაბარების შემდგომ, კურსდამთავრებულს უფლებას აძლევს ჩააბაროს იტალიის უმაღლეს სასწავლებლებში, იტალიური ენის ცოდნის დამადასტურებელი გამოცდის ჩაბარების გარეშე და ისარგებლოს იტალიელი მოსწავლეებისთვის განკუთვნილი კვოტით.

        საქართველოს ზოგადი განათლების სისტემა არ ითვალისწინებს სკოლის გამოსაშვები გამოცდის ჩაბარებას, თუმცა ბარდება უმაღლეს სასწავლებელში მისაღები გამოცდები. ამიტომ იტალიის მხარის მიერ ორგანიზებული გამოსაშვები გამოცდა ეხება მხოლოდ იმ საგნებს, რომლებიც ისწავლება იტალიურ ენაზე.

        Ministero dell'Istruzione e del Merito