სიახლეები

🎉🎓 ჩვენი მე-12 კლასის მოსწავლეები ევროპის წამყვან უნივერსიტეტებში გააგრძელებენ სწავლას.

🤗გილოცავთ ამ მნიშვნელოვან მიღწევას და გისურვებთ წარმატებებს საერთაშორისო აკადემიურ გზაზე!

🎉 წელს პირველად იტალიურ სკოლაში ჩატარდა იტალიურ ენაზე დაწერილი ლექსების კონკურსი „დიალოგი და მშვიდობა“, რომელშიც VIII-XI კლასების 28 მოსწავლე მონაწილეობდა. 📝

👉 კონკურსი სკოლის საერთაშორისო სექტორის ხელმძღვანელის, ლილიანა ნობილეს ინიციატივითა და იტალიის საელჩოს მხარდაჭერით განხორციელდა.

🎓 დაჯილდოების ცერემონიას დაესწრო საქართველოში იტალიის რესპუბლიკის საგანგებო და სრულუფლებიანი ელჩი, ბატონი მასიმილიანო დ’ანტუონო, რომელმაც ლექსების ავტორებს სიგელები გადასცა და ხუთი საუკეთესო ნამუშევრის ავტორი პრიზებით დააჯილდოვა. 🎖️

🥇 გამარჯვებულები:

I - ეკატერინე ჭიჭინაძე - Parlami senza ferire

II - ანი ჩხეტიანი - La Pace Crea Amore

III - ირაკლი ბერიძე - Una rima per la pace

IV - ელენე ჭაია - Un mondo di pace

V - სოფი მელუა - Memorie di pace

👏 ვულოცავთ გამარჯვებულებს და წარმატებებს ვუსურვებთ იტალიური პოეზიის სამყაროში!🌟

🌍 იტალიურ სკოლაში ეკო კლუბი გაიხსნა! 🌿

კლუბის პირველი ოფიციალური შეხვედრის ფარგლებში, სკოლას საქართველოს გარემოსა და ბუნებრივი რესურსების დაცვის ყოფილი მინისტრი, ქალბატონი ნინო ჩხობაძე ეწვია.🌿

შეხვედრის თემა კლიმატის ცვლილებებს ეხებოდა.

ქალბატონმა ნინომ მოსწავლეებთან ისაუბრა ეკოლოგიური ცნობიერებისა და მოქალაქეობრივი პასუხისმგებლობის მნიშვნელობაზე.

კლუბის მიზანია გარემოზე ზრუნვის კულტურის გაძლიერება და მრავალფეროვანი საგანმანათლებლო აქტივობების განხორციელება. ♻️✨

🎉 2 აპრილი – ჰანს ქრისტიან ანდერსენის დაბადების დღე და საბავშვო წიგნის საერთაშორისო დღე!

📖 იტალიური სკოლის დაწყებითი კლასების მოსწავლეებმა ეს დღე შემოქმედებითად აღნიშნეს.

🌟 I-II კლასელებს საბავშვო მწერალი თამარ ადამია ესტუმრა – მწერალმა პატარებს მათთვის საინტერესო კითხვებზე უპასუხა, შემდეგ კი რამდენიმე ზღაპარი წაუკითხა. ბავშვებმა ზღაპრებს საინტერესო გაგრძელებები მოუფიქრეს.

📖 III კლასელებმა წაკითხული წიგნების საყვარელი პერსონაჟები გაიხსენეს. III/1 კლასმა „კესანე“ წაიკითხა, გაგრძელება დაწერა და ნახატებით გააფორმა, III/2-მა კი ანდაზებზე დაფუძნებული ისტორიები შექმნა.

💙 ეს დღე ნამდვილად დასამახსოვრებელი და შთამაგონებელი აღმოჩნდა!

💡ნოე გულაშვილი წარმოგვიდგენს არდუინოს გამოყენებით აწყობილ გაზის დეტექტორს და შუქნიშანს, რომელიც მან და მისმა მეგობარმა საბამ ააწყეს.🛠️

🗓️ 21 მარტი, დაუნის სინდრომის საერთაშორისო დღეა.

💙 🤗იტალიურ სკოლაში მოსწავლეებმა განსაკუთრებული აქტივობებით აღნიშნეს ეს დღე:

🎥 პედაგოგმა ბავშვებს უჩვენა ვიდეო მეგობრობისა და თანასწორობის მნიშვნელობაზე.

📚 მოსწავლეებმა წარადგინეს პრეზენტაციები, რომლითაც გაუსვეს ხაზი საზოგადოების და თითოეული ადამიანის როლს თანასწორობის ჩამოყალიბებაში.

🧦 პატარებმა გააფერადეს და გამოჭრეს ჭრელი წინდები — სოლიდარობის ფერადი სიმბოლო.

🌍 ამ დღემ კიდევ ერთხელ შეგვახსენა,  რომ ყველა ადამიანი თანასწორია

და მხოლოდ მეგობრული, ემპათიური გარემო ქმნის სრულფასოვან და ძლიერ საზოგადოებას.

🤖 სკოლის მოსწავლეებმა mBot რობოტის მეშვეობით შექმნეს საინტერესო პროექტი, რომელიც პროცესების ავტომატიზაციის შესაძლებლობას იძლევა.

🧠✨პროექტში გამოყენებულია ხაზის გამყოლი სენსორი, Mblock-ის კოდები და ChatGPT-ის მხარდაჭერა, რაც ემბოტს საშუალებას აძლევს, ეფექტურად და სიზუსტით იმუშაოს. ⚙️

🌍 📚 იტალიური სკოლის ბიბლიოთეკაში ინგლისური ენის ლიტერატურული წრის (ხელმძღვანელი რუსიკო გამსახურდია) მე-6 კლასელებმა შოტლანდიის შესახებ საინტერესო პრეზენტაცია წარადგინეს.

✨მათ ისაუბრეს ქვეყნის ისტორიაზე, კულტურაზე, ლიტერატურასა და გმირებზე.

🔹 გაიხსენეს ჯ. კ. როულინგის შოტლანდიაში გავლილი გზები, რომელმაც “ჰარი პოტერი” შთააგონა.

💫 განსაკუთრებული მომენტები:

🎭 რობერტ ბერნსის პოეზიის გაცოცხლება და მისი ლექსების მოსმენა;

🎼 ანსამბლ “ორერას” შესრულებული “კაცი ვარ და ქუდი მხურავს”;

🏌️ შოტლანდია, როგორც „ვისკის სამშობლო“ და სენტ-ენდრიუსის ლეგენდარული გოლფის მოედნები.

📜 ყველა მონაწილეს გადაეცა ქების სიგელი, ხოლო მე-5 კლასელმა ანასტასია აფშილავამ ზღაპრის თარგმნისთვის განსაკუთრებული აღიარება დაიმსახურა.

💙 პრეზენტაცია შოტლანდიური სიმღერებით დასრულდა.

📍 იტალიური სკოლის პედაგოგები, რუსა გალდავა და თეა ბახტაძე, ADASIM ასოციაციის ფარგლებში ალბანეთს ეწვივნენ და ტირანას იტალიური სკოლა მოინახულეს.

ვიზიტი საინტერესო შეხვედრებითა და კულტურული გამოცდილებებით გამოირჩეოდა.

🔹 საქართველოს პრეზენტაცია – მოსწავლეები დიდი ინტერესით გაეცნენ ჩვენი ქვეყნის ისტორიას და კულტურას. 🎤📖

🔹შეხვედრა სკოლის ხელმძღვანელობასთან – განხილული იყო საგანმანათლებლო პროცესი და არსებული გამოწვევები. 💡

🔹 ნეიროფსიქოლოგთან შეხვედრა – გაცვლითი პროგრამის ფარგლებში მნიშვნელოვანი დისკუსია განათლებასა და მოსწავლეთა განვითარებაზე. 🤝🧠

🔹 ტირანას ღირსშესანიშნაობები – პედაგოგებმა სკოლის დამფუძნებელთან ერთად მოინახულეს ისტორიული ადგილები, მათ შორის „House of Leaves“ მუზეუმი, სალვადორ დალის გამოფენა და ოპერის თეატრი. 🏛️

🌍 ვიზიტი საერთაშორისო თანამშრომლობის გაღრმავებასა და ახალი პროფესიული კონტაქტების დამყარებას შეუწყობს ხელს.💡✨

გაიცანით ჩვენი გუნდის ახალი წევრი!

ლილიანა ნობილე–

იტალიის განათლების სამინისტროს მიერ შერჩეული, ჩვენი სკოლის საერთაშორისო სექტორის ხელმძღვანელი. იგი არის ფილოსოფიის დოქტორი და განათლების სფეროში მრავალწლიანი გამოცდილების მქონე პედაგოგი.

განათლება პალერმოს უნივერსიტეტში მიიღო და თავისი ცოდნა მრავალ საერთაშორისო პროგრამაში მონაწილეობით გაამდიდრა. მისი სწავლების მეთოდები თანამედროვე, ინოვაციური და შთამაგონებელია.

ლილიანას მულტიკულტურული ხედვა და ინოვაციური მიდგომა იტალიური ენის სწავლას კიდევ უფრო საინტერესოს გახდის.

მენდელეევის პერიოდულობის ცხრილის საერთაშორისო დღე

VIII-X კლასის მოსწავლეებმა ქართულ, ინგლისურ და იტალიურ ენაზე საინტერესო პრეზენტაციებით აღნიშნეს ეს დღე.

ღონისძიება საბუნებისმეტყველო მეცნიერებათა კათედრის ხელმძღვანელობით გაიმართა.

მადლობა ჩვენს პედაგოგებს – რუსუდან ჯაფარიძეს, ცისია სუხიაშვილს, შორენა მერაბიშვილს და მაკა კაპანაძეს, ასევე ყველა მოსწავლეს აქტიური მონაწილეობისთვის.

ჩვენი პატარა მკითხველები, თინათინი და ნატალია, თანატოლებს ურჩევენ წაიკითხონ:

„წრიპა ბიჭის დღიური“- ჯეფ კინი

„ცნობილი ხუთეული“- ენი ბლაიტონი.

წიგნის საჯაროდ კითხვის მსოფლიო დღე ჩვენს სკოლაში განსაკუთრებულად აღვნიშნეთ!

„იკითხე ხმამაღლა, შეცვალე მსოფლიო!“ –ამ სლოგანმა გააერთიანა ჩვენი მოსწავლეები.

დაწყებით კლასებში პატარებმა მასწავლებლებთან ერთად ზღაპრები და საყვარელი მოთხრობები წაიკითხეს, ხოლო მესამე კლასელებმა პატარა მეგობრებისთვის ვასო გულეურის „ჭიანჭველა და რწყილი“ როლებში გააცოცხლეს.

კვირეულის ფარგლებში მოსწავლეებმა შექმნეს ილუსტრაციები წაკითხული ნაწარმოებების მიხედვით, მესამეკლასელებმა კი თავიანთი შთაბეჭდილებები ჩანახატებად აქციეს.

„ერთი ლექსის თავგადასავალი“ – მოსწავლეებმა გააცოცხლეს ვაჟას, აკაკის, ილია ჭავჭავაძის, გალაკტიონის, გიორგი ლეონიძის და სხვა პოეტების უკვდავი ლექსები. მათ გაიაზრეს, რა ისტორიები იმალება საყვარელი სტრიქონების მიღმა და როგორი ძალა აქვს თითოეულ ლექსს.

ასეთმა შეხვედრებმა კიდევ ერთხელ დაგვანახა, რომ საჯაროდ კითხვა ცოდნას გვიზიარებს, წარმოსახვას აღვივებს და გვაერთიანებს!