სიახლეები

          • საერთაშორისო სამეცნიერო კონფერენცია

          • იტალიური სკოლა “ცისკარის” ისტორიის პედაგოგი მაია ფირჩხაძე და პედაგოგთა პროფესიული განვითარების ლაბორატორიის ხელმძღვანელი მანანანა ბოჭორიშვილი, საერთაშორისო სამეცნიერო კონფერენციაში მონაწილეობდნენ. კონფერენციის თემატიკა იყო ინკლუზიური განათლება: კვლევა, სწავლა, სწავლება და სტუდენტური მხარდაჭერა.

            კონფრენციის ორგანიზატორია საერთაშორისო სამეცნიერო კოლეგია, რომელშიც შედიოდნენ საქართველოს განათლებისა და მეცნიერების სამინისტროს, საქართველოს, ევროპისა და ისრაელის უნივერსიტეტების წარმომადგენლები. კონფერენციის მუშაობაში ჩართული იყვნე პროექტის წევრი ისრაელის, ჩეხეთის, რუმინეთის, ინგლისის, ლიტვის, საქართველოს უნივერსიტეტები, ასევე თემით დაინტერესებული ბელგიის, შვედეთის, აზერბაიჯანისა და მოლდოვას უნივერსიტეტები და სხვადასხვა ინსტიტუციები. იხილეთ სრულად

          • საახალწლო კომპოზიცია

          • იტალიური სკოლის IV2 კლასის მოსწავლეებმა, სკოლის სააქტო დარბაზში, 25 დეკემბერს წარმოადგინეს საახალწლო ლიტერატურულ-მხატვრული კომპოზიცია - ავტორი კლასის ხელმძღვანელი მაია ხაჭაპურიძე, მუსიკალური გაფორმება - პედაგოგი თინათინ მაჩაბლი.
            მოსწავლეებმა სცენაზე გააცოცხლეს ვაჟა-ფშაველას, შიო მღვიმელის, გიორგი ლეონიძის, მურმან ლებანიძის, ანა კალანდაძის და თანამედროვე ქართველი პოეტების ლექსები, წარმოადგინეს საქართველოს სხვადასხვა კუთხეების საშობაო ტრადიციები. დასასრულს მოსწავლეებმა იტალიურ და ინგლისურ ენებზე წაიკითხეს ახალი წლისადმი მიძღვნილი ლექსები.

          • ესთეტიკური აღზრდისა და სპორტის კათედრის კვირეული

          • 26-30 ნოემბერს იტალიურ სკოლაში მიმდინარეობდა ესთეტიკური აღზრდისა და სპორტის კათედრის კვირეული (კათედრის ხელმძღვანელი თინა მაჩაბელი).

            14

            კვირეულის პროგრამის ფარგლებში ჩატარდა:  მოსწავლეთა ნახატების გამოფენა, კონკურსი საბავშვო სიმღერებში, ვიქტორინა, პრეზენტაცია, დისკუსია თემაზე: ,,ვიცხოვროთ ჯანსაღი ცხოვრების წესით“, მხიარული სტარტები, ტურნირი ჭადრაკში, გასვლითი ღონისძიება საკრავების მუზეუმში და სხვ. კვირეულმა სასიამოვნო და საინტერესო ვითარებაში ჩაიარა.

          • იტალიელი სტუმრები

          • იტალიასთან სასწავლო-გაცვლითი პროექტის ფარგლებში 10 ნოემბერს, სკოლას ეწვია ქ. ბორგომანეროს პიერო გობეტის სახელობის სკოლის მოსწავლეები, პედაგოგთან ვალენტინა ძანეტასთან ერთად. იტალიელი სტუმრები, ჩვეულებისამებრ წელსაც ქართველი თანატოლების ოჯახებში ცხოვრობდნენ.

            16

            პროექტის ფარგლებში, გარდა სასკოლო-სასწავლო აქტივობებისა, პროგრამაში შედიოდა ექსკურსიები, გასართობი კულტურული ღონისძიებები, სპორტული შეჯიბრებები და სხვა. გამოსამშვიდობებელ საღამოზე, სკოლის კაფეტერიაში ჩვენმა სტუმრება მოაწყვეს იტალიური ვახშამი, მოამზადეს ნაციონალური კერძები. იტალიელმა მოსწავლეებმა განსაკუთრებული ყურადღება გამოიჩინეს მასპინძელი მშობლებისადმი. ბავშვები ყოველთვის გულწრფელები არიან და ამოდენა სიყვარულის დამსახურება მარტივად არ ხდება.

        • "Libriamoci" შეუერთდა საერთაშორისო კითხვის დღეს

          • "Libriamoci" შეუერთდა საერთაშორისო კითხვის დღეს

          • 2018 წლის 25 ოქტომბერს, იტალიურ სკოლა,,ცისკრის“ ლიტერატურულ კაფე ,,Libriamoci“ უკვე მეოთხედ შეუერთდა საერთაშორისო კითხვის დღეს. შეხვედრა ალესანდრო დ'ავენიას წიგნს -,,რძესავით თეთრი და სისხლივით წითელს'' მიეძღვნა (თარგმნა და საზოგადოებისათვის გაცნობა). ალესანდრო დ'ავენია და მისი საოცარი სამყარო დიდი აღმოჩენაა ლიტერატურული კაფესათვის. მწერალი თავის პროფესიაზე უსაზღვროდ შეყვარებული, იტალიელი მასწავლებელია.

            აღნიშნული ნაწარმოები ეხება მოზარდთა პრობლემებს, რასაც გაგება, გვერდში დგომა სჭირდება და არა გაკიცხვა. ალესანდრო დ'ავენია თავის ნაწარმოებში ამბობს სწორედ, რომ კაცობრიობა ოცნების წყალობით დგამს წინ ნაბიჯს. ლიტერატურულ კაფეს წევრებს სწამთ, რომ ეს ოცნება ახდება. VIII კლასის მოსწავლეებისათვის ეს შეხვედრა განსაკუთრებული გახლდათ, რომლებმაც იტალიურ ენაზე, მხოლოდ წელს დაიწყეს იტალიური ლიტერატურის შესწავლა.

            ქალბატონმა თამარ მიდელაშვილმა (ფილოლოგი, დირექტორის მოადგილე სასწავლო დარგში) პროფესიულ დონეზე განიხილა და საკმაოდ მაღალი შეფასება მისცა წარმოდგენილ თარგმანებს, მან ხაზი გაუსვა, წიგნთან დაახლოების თვალსაზრისით, ამ პროექტის უდიდეს მნიშვნელობას. დასასრულს, ლიტერატურული კაფეს წევრებს ქალბატონმა რუსუდან ყოინაშვილმა გადასცა, იტალიის საელჩოს გადმოგზავნილი, სამახსოვრო სიმბოლური საჩუქრები

          • „ჯანსაღი ცხოვრების წესი“

          • ჯანსაღი და უსაფრთხო ცხოვრების წესის დანერგვის ხელშეწყობის მიზნით, იტალიურ სკოლაში დამკვიდრებული ტრადიცია გრძელდება. ყოველწლიურად I-XII კლასების მოსწავლეები, პედაგოგებთან ერთად ორგანიზებულად გადიან ქალაქგარეთ, ბუნებაში. 

            6

            12 ოქტომბერს, სასკოლო პროექტის ,,ჯანსაღი ცხოვრების წესის“ ფარგლებში, მოსწავლეები ეწვივნენ რუსთავის ტყე-პარკს. ამ ულამაზეს გარემოში ჩატარდა სპორტული შეჯიბრებები, შემეცნებითი-გასართობი აქტივობები.                                                                                                

             მოსწავლეებმა კიდევ ერთი დაუვიწყარი დღე გაატარეს ბუნებაში

          • გილოცათ ახალი სასწავლო წლის დაწყებას!

          • ყველას  გილოცავთ ახალი სასწავლო წლის დაწყებას - მოსწავლეებს, მშობლებს, პედაგოგებს.

            განსაკუთრებით ვულოცავთ სასწავლო წლის დაწყებას ჩვენს პირველკლასელებს.

            ძვირფასო მოსწავლეებო, სკოლის კედლებში გატარებული ყოველი დღე თქვენთვის სიხარულის, წარმატებისა და ბედნიერების მომნიჭებელი ყოფილიყოს.

             უკვე 22 წელია იტალიურ სკოლაში ვეგებებით ახალი სასწავლო წლის დაწყებას. გისურვებთ, რომ  ყოველ  სასწავლო წელს ულევი წარმატება მოეტანოს თითოეული ჩვენთაგანისათვის.

        • გამოსაშვები გამოცდები ჩაბარებულია

          • გამოსაშვები გამოცდები ჩაბარებულია

          • 25 მაისი - ტრადიციული ბოლო ზარი

            ფერადი წარწერებით აჭრელებული თეთრი პერანგები;
             მე-12 კლასელები წარსულს იხსენებენ;
            უმცროსკლასელები ბოლო ზარზე ოცნებობენ;
            თვალცრემლიანი მასწავლებლები გზას ულოცავენ ახალგაზრდებს, იღებენ სამახსოვრო ფოტოებს.

        • რომის დაბადების დღე

          • რომის დაბადების დღე

          • 21 აპრილს ლიტერატურულ კაფე ,,Libriamoci’“-ის ფარგლებში, ,,Libriamoci’“-ის კლუბის წევრებმა რომის დაბადების დღე იზეიმეს. ,,ლიბრიამოჩი’’ სწორედ ის თავისუფალი სივრცეა ფანტაზიისათვის, სადაც იტალიური სკოლის მოსწავლეებს აქვს საკუთარი ნიჭის აღმოჩენის უნარი. კაფეს მუზებმა (II, VIII, IX კლასების მოსწავლეებმა) წარმოადგინეს კომპოზიცია ,,რომი იშვა გაზაფხულზე’’, ამ დღეს მოსწავლეები მხოლოდ პოეზიისა და მუსიკის ენით მეტყველებდნენ, წაიკითხეს საკუთარი ლექსებიც და თარგმანები.

        • მობილური აპლიკაციის მომხმარებლები

          • მობილური აპლიკაციის მომხმარებლები

          • ძვირფასო მობილური აპლიკაციის მომხმარებლებო.

            თქვენ შეგიძლიათ ნახოთ თქვენი ცხრილი დაჩანაცვლებები ასევე თქვენს მობილურ ტელეფონზეც. თუ გაქვთ iPhone, iPad ან Android მოწყობილობა, შეგიძლიათ გადმოწეროთ შესაბამისი პლატფორმისთვის მორგებულიაპლიკაცია.

            მეტი ინფორმაციისთვის გთხოვთ ეწვიოთ: mobile.edupage.org

        • ევროპის დღე

          • ევროპის დღე

          • 5 მაისს, რიყის პარკში,  ევროკავშირისა და ევროპის საბჭოს ქვეყნებში მშვიდობისა და ერთიანობის ყოველწლიური დღესასწაული — ევროპის დღე აღინიშნა. იტალიის საელჩოს მიწვევით სადღესასწაულო კონცერტში მონაწილეობა მიიღეს იტალიური სკოლის მოსწავლეებმა ნიკა ესაკიასთან ერთად.

            იხილეთ ვიდეო
        • საზოგადოებრივ მეცნიერებათა კათედრის კვირეული

          • საზოგადოებრივ მეცნიერებათა კათედრის კვირეული

          • 23-27 აპრილს  იტალიურ სკოლაში მიმდინაეობდა საზოგადოებრივ მეცნიერებათა  კათედრის კვირეული (კათედრის ხელმძღვანელი მაია ფირჩხაძე).  კვირეულის პროგრამის ფარგლებში ჩატარდა სამოდელო გაკვეთილი, მოეწყო: მოსწავლეთა კონფერენცია, ვიქტორინა-კონკურსები, პრეზენტაციები და სხვა  შემეცნებითი ღონისძიებები.

        • დავით აღმაშენებლის დღისადმი მიძღვნილი ღონისძიება

          • დავით აღმაშენებლის დღისადმი მიძღვნილი ღონისძიება

          • 8 თებერვალს იტალიურ სკოლა ,,ცისკარში“ გაიმართა დავით აღმაშენებლის დღისადმი მიძღვნილი ღონისძიება, რომელშიც მონაწილეობა მიიღეს XI კლასის მოსწავლეებმა.
            ისტორიული მეხსიერება იყო ამ წარმოდგენის უმთავრესი მიზანი. გიყვარს ის რაც იცი. მოსწავლეთა მონდომება და ემოცია გადამდები აღმოჩნდა მთელი დარბაზისთვის

        • 2018 წლის მარტი სასწავლო-გაცვლითი პროექტი იტალიასთან

          • 2018 წლის მარტი სასწავლო-გაცვლითი პროექტი იტალიასთან

          • უკვე მეოცე წელია, სასწავლო-გაცვლითი პროექტის ფარგლებში, იტალიური სკოლის მოსწავლეთა დელეგაცია, ყოველ გაზაფხულზე  იტალიაში მიემგზავრება. მიმდინარე  წლის  3 მარტს, ჩვენი სკოლის მოსწავლეები, იტალიური ენის პედაგოგთან, მაია ბუხნიკაშვილთან ერთად გაემგზავრნენ იტალიაში, სადაც ბავშვები იტალიელი თანატოლების ოჯახებში ცხოვრობდნენ.

            წაიკითხეთ მეტი

             

          • იტალიური სკოლა 20 წლისაა

          • 2016 წლის 28 ოქტომბერს, მოსწავლე ახალგაზრდობის სასახლის სარკეებიან დარბაზში, საქართველოში იტალიის სრულუფლებიანი ელჩის ბატონი ანტონიო ენრიკო ბარტოლის მონაწილეობით, გაიმართა იტალიური სკოლის დაარსების 20 წლის იუბილისადმი მიძღვნილი მიღება. იტალიურ სკოლას 20 წლის იუბილე მიულოცეს მიღებაზე მოწვეულმა სტუმრებმა: საქართველოში იტალიის სრულუფლებიანმა ელჩმა ბატონმა ანტონიო ენრიკომ, საზოგადოება საქართველო-იტალიის პრეზიდენტმა პოეტმა დავით მაღრაძემ, უცხოელმა სტუმრებმა იტალიაში დამეგობრებული სკოლებიდან. სკოლას უცხოეთიდან მილოცვები გამოუგზავნეს კურსდამთავრებულებმა, ყოფილმა პედაგოგებმა, პარტნიორი სკოლებისა და ორგანიზაციების წარმომადგენლებმა და სხვებმა. მეტის წაკითხვა