სიახლეები

          • რეიტინგული მოსწავლეები გამოვლინდნენ

          • 🏆 იტალიური სკოლის 2024-2025 სასწავლო წლის მოსწავლეთა რეიტინგული სისტემის მიხედვით გამოვლინდნენ საუკეთესო მოსწავლეები!

            📊 რეიტინგი შედგენილია 100-ქულიანი სისტემით შემდეგი კრიტერიუმების მიხედვით:

            • აკადემიური მოსწრება

            • მონიტორინგის შედეგები

            • სასკოლო აქტივობები

            • სასკოლო პროექტი

            • სპორტული ჩართულობა

            • დისციპლინა

            ✨ წარმოგიდგენთ სამ საუკეთესო მოსწავლეს:

            🥇 I ადგილი – ბადრი ტაბატაძე (VIII კლასი, დამრიგებელი ეკა ლაგვილავა)

            🎁 პრიზი: 100%-იანი დაფინანსება იტალიის სასწავლო გაცვლით პროექტში და/ან პერსონალური კომპიუტერი.

            🥈 II ადგილი – ელენე ჭაია (VIII კლასი, დამრიგებელი ეკა ლაგვილავა)

            🎁 პრიზი: იტალიის სასწავლო-გაცვლით პროექტში მონაწილეობისას 50%-იანი დაფინანსება და/ან პლანშეტი.

            🥉 III ადგილი – ნატალია ჯინჭარაძე (IX კლასი, დამრიგებელი ცისია სუხიაშვილი)

            🎁 პრიზი: იტალიის სასწავლო-გაცვლით პროექტში 25%-იანი დაფინანსება და/ან ბიბლისუსის 200 ლარიანი ვაუჩერი.

            ხოლო ათეულის სია ასე გამოიყურება:

            მსხილაძე მირიან - IX კლასი

            მელუა სოფი - IX კლასი

            მეძმარიაშვილი ირინა - IX კლასი

            გოგოხია ილია - VIII კლასი

            ბერიძე ირაკლი - VIII კლასი

            ჭიჭინაძე ეკატერინე - XI კლასი

            ქავთარაძე ნატალია - IX კლასი

            🌟 🌟 ვულოცავთ გამარჯვებულებს! გვეამაყებით, გისურვებთ წარმატებებს და იმედი გვაქვს, რომ მომავალშიც გაგვახარებთ თქვენი მიღწევებით!

          • გაიცანით ჩვენი გუნდის წევრი-ეთო ხუციშვილი

          • ✨ გვინდა გაგაცნოთ არა მხოლოდ ჩვენი სკოლის პედაგოგები, არამედ მენეჯმენტის წარმომადგენლებიც და ამ ახალ რუბრიკას ვხსნით, დირექტორის მოადგილის წარდგინებით.

            "სიტყვები არასდროს იქნება საკმარისი..."

            არსებობენ ადამიანები, რომლებიც პროფესიულ საქმიანობას და მოვალეობას სცდებიან — მთელი არსებით, თავდადებითა და სიყვარულით ცდილობენ შექმნან სითბოთი და ერთგულებით გაჯერებული გარემო. სივრცე, სადაც მისვლა მიგიხარია, რადგან იცი, რომ დაგხვდება ყველასათვის საყვარელი ქალბატონი, დიდი გულითა და ღიმილით — ეთო.😊

            ეთო ხუციშვილი სკოლის დაარსების პირველი წუთიდან დღემდე, სკოლის ერთგული მხარდამჭერია — ბავშვებისთვის საყვარელი, მშობლებისა და თანამშრომლებისთვის კი – საიმედო და ერთგული პიროვნება.

            ქალბატონი ეთო ყოველთვის სამართლიანია — ბავშვების ინტერესების დამცველი და მათზე მზრუნველი. ადამიანი, რომელსაც შეუძლია თითოეულ მოსწავლეში დაინახოს უნიკალური ნიჭი. რომელმაც იცის, როგორ მოუსმინოს, როგორ გაუგოს უსიტყვოდ და როგორ წარუძღვეს წინ სითბოთი, მოთმინებითა და სიბრძნით.

            ყველა მშობელი, ვისაც ოდესმე ჰქონია მასთან ურთიერთობა, გრძნობს სიმშვიდეს, რადგან იცის: მისი შვილი საუკეთესო ხელშია.

            თანამშრომლისთვის კი ის ძალაა, რომელიც იმედია, საყრდენია ნებისმიერი სირთულის დროს და მოტივატორი, რომელიც გარწმუნებს, რატომ არ უნდა გაჩერდე და გააგრძელო სვლა.

            მისი სითბო მხოლოდ პროფესიული თვისება არ არის — ეს მისი შინაგანი სინათლეა. იტალიური სკოლა მისთვის უბრალოდ შენობა კი არ არის, არამედ მისი სიყვარულითა და ზრუნვით გაჟღენთილი სივრცეა.

            💖 სიტყვები შეიძლება არ იყოს საკმარისი, მაგრამ ჩვენი მადლიერება – ნამდვილად უსაზღვროა.

            🙏 გმადლობთ ბავშვების სითბოსთვის, მშობლების სიმშვიდისთვის და ჩვენი გუნდის ერთიანობისთვის. გმადლობთ, რომ თითოეული ჩვენგანისთვის საიმედო საყრდენი ხართ — ადამიანური ურთიერთობების ხელოვანი, იტალიური სკოლის მშვიდობის ელჩი. 🕊️

            🎯 თქვენთვის ეს საქმე მხოლოდ პროფესია არ არის — ეს მისიაა, რომელსაც დიდი ღირსებითა და პასუხისმგებლობით ასრულებთ.

          • ბანაკი

          • იტალიური სკოლის ბანაკი

            გარემო, სადაც ბავშვები სწავლობენ, იზრდებიან და ქმნიან დაუვიწყარ მოგონებებს.

          • მოსწავლეთა წარმატებები სასკოლო და გარე სივრცეებში

          • 16

            📌 მოსწავლეთა წარმატებები სასკოლო და გარე სივრცეებში

            ჩვენი მოსწავლეები აქტიურები და წარმატებულები არიან როგორც სკოლის შიგნით, ასევე მის ფარგლებს გარეთ.

            📐 მათემატიკის ოლიმპიადა „ევერესტი“

            🏅 ანდრია მღებრიშვილმა და ანდრია იაკობაშვილმა ოქროს ტურში ვერცხლისა და ბრინჯაოს დიპლომები მოიპოვეს.

            📜 ფინალურ ტურში წარმატებული მონაწილეობისთვის სერტიფიკატები გადაეცათ გიორგი ამაღლობელს, ანდრია ქაჯაიას და სანდრო სააკაძეს.

            🙌 მადლობა კლასის დამრიგებელს — ნინო გოგსაძეს და მათემატიკის პედაგოგს — ინგა კახიძეს, რომლის აქტიური ჩართულობისთვის „ევერესტის“ გუნდმა მადლობის სიგელიც გადასცა.

            📖 ინგლისური ენის ოლიმპიადა „Lingostar“

            ლუკა მჭედლიძემ (VIII კლ.) მოიპოვა გამარჯვება ოლიმპიადაზე, რომელიც ორგანიზებული იყო „საერთაშორისო განათლება საქართველოსთვის“ მიერ.

            🌿 სკოლის ფარგლებს გარეთ მიღწევები:

            – სპორტში, ხელოვნებასა და ცეკვაში გამოჩენილი წარმატებები

            – კალიგრაფიის, მათემატიკისა და ზოგადი უნარების ოლიმპიადებზე მოპოვებული სერტიფიკატები

            – აქტიური მონაწილეობა საგნობრივ და შემოქმედებით კონკურსებში

            🎉 ვულოცავთ მოსწავლეებს და მადლობას ვუხდით პედაგოგებს — მხარდაჭერისა და შრომის შედეგად მიღწეული წარმატებებისთვის.

            📝 ეს მხოლოდ მცირე ნაწილია —

            დროდადრო გაგაცნობთ ჩვენი მოსწავლეების სხვა წარმატებებსაც.

          • ანბანის ჯადოსნურ სამყაროში

          • 4

            მოგესალმებით ანბანის ჯადოსნურ სამყაროში“ 🅰️ ✨

            პატარა მსახიობებმა ანბანი სცენაზე გააცოცხლეს — გოგონები ხმოვნებად, ბიჭები თანხმოვნებად გადაიქცნენ.

            ასოთა შეთანხმებები Gh Th Ch და Sh გამორჩეულად წარადგინეს — აუხსნეს, როგორ გამოითქმის და იწერება სწორად.

            სიმღერებითა და თამაშებით გამდიდრებულმა სცენარმა ანბანის სწავლა სახალისო და დასამახსოვრებელი გახადა. 🎶

            „ერთი დღე ტელევიზორიდან“ – IV კლასის შემოქმედებითი პროექტი 🎬

            მოსწავლეებმა სხვადასხვა ტიპის გადაცემები გააცოცხლეს სცენაზე:

            🎤 ინტერვიუ ცნობილ ადამიანებთან

            ⚽️ სპორტული რეპორტაჟი

            🥗 კულინარია

            🕺 ფიტნეს ცეკვები

            🌿 ბუნება და ისტორია…

            პროექტის მიზანი იყო ნასწავლი რესურსის რეალურ ცხოვრებასთან დაკავშირება.

            ღონისძიება მრავალფეროვანი, წარმოსახვითი და ბავშვების ენთუზიაზმით სავსე იყო! 💫 💗

          • შემეცნებითი შეხვედრები

          • 2

            🔹სასწავლო წლის ბოლოს IV და VI კლასებში შემეცნებითი შეხვედრები გაიმართა:

            📖ნანა ვაჩიბერიძემ IV კლასის მოსწავლეებს საკუთარი მკითხველური გამოცდილება გაუზიარა და ის წიგნები გააცნო, რომლებსაც ბავშვობაში კითხულობდა.

            ✍️ანა დელიბაშვილმა VI კლასს გააცნო დამწერლობის უძველესი სახეები და ისაუბრა ანბანის შექმნის, წერის ტექნიკისა და საბეჭდი საშუალებების ისტორიულ განვითარებაზე.

          • დაწყებითი საფეხურების პროექტები

          • 23

            📚 სასწავლო წელი იტალიური სკოლის დაწყებით საფეხურზე მრავალფეროვანი და შთამაგონებელი ღონისძიებებით დასრულდა.

            🔹 I/2 კლასი (დამრიგებელი მაკა მეთეფშიშვილი) – სპექტაკლი „ციცქნა იას დღეობა“

            🔹 III/2 კლასი (პედაგოგი ინგა კახიძე) – პროექტის პრეზენტაცია „ვიმოგზაუროთ წიგნის სამყაროში“

            🔹 I/2 კლასი (დამრიგებელი ნანა ვაჩიბერიძე) – სპექტაკლი „ყვავილების მეჯლისი“

            🔹 III/2 კლასი (პედაგოგი ცისია სუხიაშვილი) – ჩრდილების თეატრი „ბუნების მეგობრები“

            🔹 II/1 კლასი (პედაგოგი ინგა კახიძე) – მოგზაურობა „რიცხვების სამყაროში“

            🔹 III/2 კლასი (დამრიგებელი ინგა კახიძე) – გამოსამშვიდობებელი წარმოდგენა „გზა მწვერვალებიდან ვარსკვლავებამდე“

            🔹 III/1 კლასი (დამრიგებელი ინგა თეთრაძე) – სპექტაკლი „ოცი წლის შემდეგ“

            ✨ ყველა ღონისძიებამ დამსწრე საზოგადოების დიდი მოწონება დაიმსახურა.

          • მობილობის პოსტი

          • 📣იტალიურ სკოლაში 2025-2026 სასწავლო წლისთვის მობილობის მსურველთა რეგისტრაცია გრძელდება!

            გისურვებთ წარმატებას სწორი არჩევანის გზაზე!

          • პროექტი; რატომ უნდა ვისწავლოთ ,,მე და საზოგადოება

          • 📚 პროექტი: რატომ უნდა ვისწავლოთ „მე და საზოგადოება“?

            დაწყებითი კლასების მოსწავლეებმა (IV1 – IV2 კლ.) შექმნეს წიგნები და ასე გამოხატეს სიყვარული საგნის მიმართ. 📘

            პროექტი მიზნად ისახავდა საგნის – „მე და საზოგადოება“ – პოპულარიზაციას თანატოლებში.

            მან ხელი შეუწყო მოტივაციის ამაღლებასა და საგნობრივი უნარების გამოვლენას. ✍️

          • ელჩის ინტერვიუ

          • ელჩის, ADASIM-ის დირექტორის მილოცვა და კურსდამთავრებულთა ემოციები ცერემონიიდან.

            წარმატება, რომელიც შრომით და სიყვარულით მოვიდა.

          • დიპლომების გადაცემის ცერემონიალი

          • 12

            🎓👏იტალიის საგანგებო და სრულუფლებიანმა ელჩმა საქართველოში, ბატონმა მასიმილიანო დ’ანტუონო, საერთაშორისო სექტორის კურსდამთავრებულებს სკოლის დასრულება მიულოცა და იტალიის სახელმწიფოს მიერ აღიარებული დიპლომები გადასცა.

            📜ცერემონიალს ასევე ესწრებოდნენ ADASIM-ის გენერალური დირექტორი ემილიო ლუცი, რომელიც სპეციალურად ჩამოფრინდა რომიდან ღონისძიებაზე დასასწრებად და საქართველოს კოორდინატორი ალესანდრო სალლაკონე.

            💙🪄ვულოცავთ ჩვენს მოსწავლეებს და წარმატებებს ვუსურვებთ ცხოვრების ახალ ეტაპზე!

          • ტაო-კლარჯეთი – ჩვენი წილი მემკვიდრეობა

          • სათაური:

            2024-2025 სასწავლო წლის  სასკოლო პროექტის - „წიგნიერება და ღირებულებები“  - დახურვა და შემაჯამებელი  მოსწავლეთა კონფერენცია „ტაო-კლარჯეთი -ჩვენი წილი მემკვიდრეობა“

             

            12 ივნისს იტალიურ სკოლაში გაიმართა 2024-2025 სასწავლო წლის სასკოლო პროექტის - „წიგნიერება და ღირებულებები“ - შემაჯამებელი შეხვედრა სკოლის მეთოდლაბორატორიის ჩართულობით (პროექტის ხელმძღვანელი :  მ.ფირჩხაძე).

             

            პროექტი მიზანად ისახავდა   მოსწავლეებში წიგნიერების უნარების განვითარებას, ღირებულებებზე დაფუძნებული დამოკიდებულებების ჩამოყალიბებას (სკოლის ყველა საფეხურისთვის) და ამ კონტექსტში ტაო-კლარჯეთის ისტორიული და კულტურული მემკვიდრეობის მიმართ ინტერესის გაღვივებას (V-XII კლ).

             

            პროექტი ინტერდისციპლინარული ხასიათის იყო და მასში ჩართული იყო იტალიური სკოლის ყველა კათედრა და   კლასი. 

             

            მოსწავლეებმა მრავალფეროვნად იმუშავეს:

            • გამოიყენეს ნარატიულ მასალასთან მუშაობის მეთოდები (ისტორიული კვლევის, სახარებისეულ იგავებზე დაფუძნებული ტექსტების და ლიტერატურული ნაშრომების დამუშავებისთვის);  
            • განახორციელეს მრავალფეროვანი შემოქმედებითი აქტივობები: შექმნეს ელექტრონული და ხელნაკეთი წიგნები; დაამზადეს 3 D  მაკეტები (ისტორიული რუკის და პარხლის ტაძრის);    პოსტერები;  გააცოცხლეს ძველი ხალხური სპორტული თამაშები და სცენაზე ააჟღერეს ტრადიციული მუსიკალური საკარვები;
            • ჰქონდათ დისკუსია და ფილმის განხილვა: პროექტის ფარგლებში  VII-XI  კლასებში  განხორციელდა პროექტი „გრიგოლ ხანძთელი და ჩვენი წილი მემკვიდრეობა“.  სამუშაო გეგმის შესაბამისად, საგანი  „მოქალაქეობის“ ფარგლებში,  მოსწავლეებმა ერთობლივად გამართეს  დისკუსია - „რატომ არის მნიშვნელოვანი ქვეყნისთვის კულტურული მემკვიდრეობის დაცვა?!“და  გამოხატეს საკუთარი  აზრები ღირებულებებსა და ეროვნულ თვითშეგნებაზე.   (პედაგოგი ნ.სიმონია).

             

            პროექტის დასკვნით  ეტაპზე გაიმართა მოსწავლეთა კონფერენციაც. მოსწავლეებმა   წარადგინეს თავიანთი კვლევითი და სხვადასხვა შემოქმედებითი ხასიათის  ნამუშევრები:      

            • ინტერაქტიური რუკა (უცხო ენებისა და საზოგადოებრივი მეცნიერებების კათედრაზე/ პედაგოგები: შორენა  მერაბიშვილი, მაია ფირჩხაძე):
            • ტაო-კლარჯეთის შესასწავლად შექმნილია ინტერაქტიური რუკა ZeeMaps პლატფორმაზე, სადაც მონიშნულია ისტორიული ტაძრები, მონასტრები და კულტურული ძეგლები. რუკაზე თითოეული წერტილი შეიცავს ინფორმაციას კონკრეტულ ძეგლზე სხვადასხვა ენებზე: ქართულად, იტალიურად, ინგლისურად, გერმანულად; რესურსი საშუალებას აძლევს ნებისმიერ დაინტერესებულ პირს  - მოსწავლეს, მასწავლებელს, მნახველს - ერთი ბმულით მოინახულოს ტაო-კლარჯეთის მემკვიდრეობა თანამედროვე ტექნოლოგიების მეშვეობით;
            • შეიქმნა რუკის აუდიოგიდიც გერმანულ ენაზე:

                           ინტერაქტიური რუკის ლინკი:

            https://www.zeemaps.com/view?group=6755316&x=33.788849&y=32.362193&z=14   

            • პრეზენტაციები და ვიდეო-ვლოგები, თუ როგორ მუშაობდნენ ამ პროექტზე

                             https://www.youtube.com/watch?v=0D0Ja06YuKA

                            ფეისბუკის პოსტი პროექტის ერთ-ერთი ეტაპის შესახებ:

                           https://www.facebook.com/share/p/1AsshQnKWp/

             აქტიურად იმუშავეს მოსწავლეებმა:  დ. ცეხლაძემ, ნ. ბრეგაძემ, ტ. კახიანმა  (X კლ), ბ.პაიჭაძე (VII კლ), ნ.ჭინჭარაძე, ს.  მელუა, ქ.გოროზია, ი.გვერდწითელი,  თ. თანიაშვილი, ი. მეძმარიაშვილი, ნ.  კერესელიძე, ს.ნადირაძე, ნ.ქავთარაძე, ე. გოგუაძე, ა. ღუღინიშვილი   (IX კლ.), ე.ჭიჭინაძე (XI კლ) და მასწავლებლებმა   შორენა  მერაბიშვილი, თიკა გოგიძე, ქეთი მიშველაძე, ქეთი სიხარულიძე, ნატა მიჩინაშვილი.

            • ელექტრონული წიგნი „ჯავახეთის კრების ქრონიკა“ და ხელნაკეთი წიგნი - „უფლის იგავები“  - ქართულის  კათედრაზე შექმნილი ეს საინტერესო ნამუშევრები აერთიანებს ინტერაქტიულ ელემენტებს, რაც ხელს უწყობს მულტიმოდალურ წიგნიერებას (აქტიურად იმუშავეს X კლასის მოსწავლებმა: ა. ჩხეტიანი, ბ. მესხელი, ტ. კახიანი, გ. პეტრიაშვილი, ხ. კუკავა. ნ. ბრეგაძე;  პედაგოგი: თამარ მთვარელიშვილი და VIII კლასის მოსწავლეებმა: ვ. გველესიანი, მ. გოგოხია, ი. გოგხია, გ. თანდილაშვილი,  ა. კახნიაშვილი,  ლ. მჭედლიძე, ნ. ოჩიგავა, გ. სანიკიაძე, ნ. აჭარაძე, ბ. ტაბატაძე, ნ. ქავთარაძე, ე. ჭაია, თ. ხარაძე, ქ. ჩხარტიშვილი, ლ. ჩხეიძე; პედაგოგი: ასმათ გაფრინდაშვილი). 

             

            ელექტრონული და ხელნაკეთი წიგნის ლინკები:

            https://online.fliphtml5.com/hrfzq/wsbo/#p=1

            https://drive.google.com/drive/folders/1EeG6t_AxalpLVWUsYQgRbedX_PmO5MLu?usp=drive_link

             

            • 3 D მაკეტი:
            • ისტორიული ძეგლის - პარხლის ტაძრის  მაკეტის შექმნა ხელოვნების მიმართულებით (X კლასის მოსწავლეები: ბექა მესხელი და ანა მარკოზაშვილი. პედაგოგი თინათინ ზაქაიძე);  იხ. ლინკი:

            https://drive.google.com/drive/folders/1XzPs3fJKs-RTRxm04hlfZwYQD87AzWYt?usp=drive_link

             

            • და  მათემატიკისა და ისტორიის  ინტეგრირებით შექმნილი საქართველოს რუკის 3D მაკეტი Stem პროექტის ფარგლებში, რომელზეც გამოკვეთილია თბილისი-ტაო-კლარჯეთის მარშრუტი და დამონტაჟებულია მოძრავი ტრანსპორტი (აქტიურად მუშაობდა  VIII კლასის თითქმის ყველა მოსწავლე; პედაგოგი: მანანა თოფურია,  მ.ფირჩხაძე ).

            იხ.ლინკი:

            https://drive.google.com/drive/folders/1A310FPrA4-6Dyjh9bM2nR6sOuDZz4c4G?usp=drive_link    

             

            საკონფერენციო სივრცეში გამოიფინა მოსწავლეთა მიერ  კათედრებზე   შექნილი პოსტერები,  კედლის გაზეთები და სხვადასხვა სახის საპრეზენტაციო მასალები (პედაგოგები: მ.მეტრეველი, ც.სუხიაშვილი, მ.ხაჭაპურიძე, ნ. ვაჩიბერიძე, ი. მ. მეტრეველი, მ. ალავიძე, ი.კახიანი, ი.თეთრაძე, მ.მეთეფშიშვილი, ნ.კაკიშვილი), რომელმაც ხელი შეუწყო მოსწავლეებში ზოგადად  წიგნიერების უნარების ამაღლებას  და ღირებულებით  განათლებას.   

             

            პროექტი წარმატებით განხორციელდა და გახდა სკოლაში სამოქალაქო განათლების, კულტურული კვლევის და წიგნიერების ინტეგრირებული მოდელი.

            შეხვედრის დასასრულს  სკოლის დირექტორმა მაია ლაგვილავამ  პროექტის აქტიურ და  წარმატებულ  მოსწავლეებს  სერტიფიკატები გადასცა.

             

            პროექტის შესახებ იხ. ლინკი:  https://online.fliphtml5.com/pbcis/ggtq/#p=1

             

          • სიმონა კავალარი იტალიურ სკოლაში

          • 🌟სიმონა კავალარი — ლეგენდარული იტალიური სერიალის „რვაფეხა“ (La Piovra) მსახიობი, სტუმრად იტალიურ სკოლაში!

            🎭მოსწავლეებმა სცენაზე გააცოცხლეს ფრაგმენტი მისი ერთ-ერთი სპექტაკლიდან — შესრულებამ მსახიობში ძლიერი ემოცია გამოიწვია, ცრემლებიც არ დაუმალავს.

            საუბარი კინოს, შემოქმედებასა და პროფესიულ გზას შეეხო — შეხვედრა, რომელიც მოსწავლეებისთვის ნამდვილად ხანგრძლივ მოგონებად დარჩება. 🎬✨

          • მარიამ წიკლაური – სტუმრად იტალიურ სკოლაში

          • 6

            📖 მარიამ წიკლაური – სტუმრად იტალიურ სკოლაში

            დაწყებითი საფეხურის IV–VI კლასის მოსწავლეებისთვის გაიმართა შეხვედრა საბავშვო მწერალ მარიამ წიკლაურთან.

            💬 მოსწავლეებმა ავტორს წაუკითხეს მისი ლექსები და აქტიურად ჩაერთვნენ პოეზიის განხილვაში.

            ✍️ მწერალმა წარადგინა თავისი შემოქმედება, წაიკითხა იაპონური პოეზიის თარგმანები და სტრიქონების შინაარსზე მოსწავლეებთან ერთად იმსჯელა.

            🌍 შეხვედრაზე ისაუბრა შვედეთში ვიზიტსა და ასტრიდ ლინდგრენის პრემიის ნომინაციასთან დაკავშირებულ გამოცდილებაზე.

            📖 სკოლის ბიბლიოთეკას გადაეცა ლექსების კრებული, ხოლო მოსწავლეებმა მიიღეს ავტოგრაფები და ზაფხულისთვის რეკომენდებული წიგნების სია.

            🙏 მადლობა მწერალს საინტერესო შეხვედრისთვის და ყველა მონაწილეს აქტიური ჩართულობისთვის.

          • ბულინგის პრევენციის კვირეული

          • 6

            📌იტალიურ სკოლაში, ფსიქოლოგთა ჩართულობით, გაიმართა ბულინგის პრევენციისადმი მიძღვნილი კვირეული. მოსწავლეებმა იმსჯელეს ბულინგის არსზე, გამომწვევ მიზეზებსა და მის შედეგებზე.

            📊წარმოდგენილი იყო პრეზენტაცია ბულინგის ფორმებსა და პრევენციის ეფექტურ მეთოდებზე.

            🎭ინსცენირებების გზით მოსწავლეებმა რეალური სიტუაციები გააცოცხლეს — რამაც თემის ღრმად გააზრებასა და ემპათიის განვითარებას ხელი შეუწყო.

          • ბოლო ზარი

          • 8

            🔔იტალიურ სკოლაში XII კლასელებისთვის „ბოლო ზარი“ გაისმა — დღე, რომელიც ერთ მნიშვნელოვან და ემოციურ ეტაპს ამთავრებს და მომავალს უხსნის კარს.

            🎓💙ვულოცავთ ჩვენს კურსდამთავრებულებს სკოლის დასრულებას და ვუსურვებთ წარმატებულ გზას, სავსე საინტერესო ნაბიჯებითა და ბედნიერი მომავლით.

            🎬ვიდეო: http://bit.ly/3GYlXxM

    • კონტაქტი

      • იტალიური სკოლა
      • info@italianschool.ge
      • admin@italianschool.ge
      • +995 322 35 18 25;
        +995 599 15 31 81
      • თორნიკე ერისთავის ქუჩა, №1
        თბილისი
        0180 თბილისი
        Georgia

    • ანგარიშში შესვლა

  • ვებ-გვერდის განახლების თარიღი - 05/12/2024