იტალიურ სკოლაში, ფსიქოლოგთა ჩართულობით, გაიმართა ბულინგის პრევენციისადმი მიძღვნილი კვირეული. მოსწავლეებმა იმსჯელეს ბულინგის არსზე, გამომწვევ მიზეზებსა და მის შედეგებზე.
წარმოდგენილი იყო პრეზენტაცია ბულინგის ფორმებსა და პრევენციის ეფექტურ მეთოდებზე.
ინსცენირებების გზით მოსწავლეებმა რეალური სიტუაციები გააცოცხლეს — რამაც თემის ღრმად გააზრებასა და ემპათიის განვითარებას ხელი შეუწყო.
იტალიურ სკოლაში XII კლასელებისთვის „ბოლო ზარი“ გაისმა — დღე, რომელიც ერთ მნიშვნელოვან და ემოციურ ეტაპს ამთავრებს და მომავალს უხსნის კარს.
ვულოცავთ ჩვენს კურსდამთავრებულებს სკოლის დასრულებას და ვუსურვებთ წარმატებულ გზას, სავსე საინტერესო ნაბიჯებითა და ბედნიერი მომავლით.
ვიდეო: http://bit.ly/3GYlXxM
„ტაო-კლარჯეთი – ჩემი წილი მემკვიდრეობა“
უცხო ენათა კათედრაზე გაიმართა პროექტის შემაჯამებელი ღონისძიება თემაზე „ტაო-კლარჯეთი – ჩემი წილი მემკვიდრეობა“.
მოსწავლეებმა წარმოადგინეს ინგლისურ, იტალიურ და გერმანულ ენებზე შექმნილი ციფრული მასალები – აუდიო და ვიდეო ბლოგები, ასევე აუდიო რუკა, რომელშიც მათი ნამუშევრებია თავმოყრილი.
ვიდეოს ნახვა შეგიძლიათ სკოლის YouTube არხზე:
რუკის ნახვა შეგიძლიათ ბმულზე:
🛬 Marinelli ლიცეუმის საპასუხო ვიზიტი თბილისში!
ქ. უდინეს “ჯოვანი მარინელის” ლიცეუმის მოსწავლეები და პედაგოგი თბილისის იტალიურ სკოლას ეწვივნენ - სასწავლო გაცვლითი პროექტის ფარგლებში.
ვიზიტი მოიცავდა:
🔹 ჩართვას სასწავლო პროცესში
🔹 მონაწილეობას ცეკვის, ხატვის, თიხის მასტერკლასებსა და სპორტულ აქტივობებში, ასევე ექსპერიმენტებში, რობოტექნიკის და ისტ-ის გაკვეთილებში.
🔹 თბილისის, ეროვნული და ეთნოგრაფიული მუზეუმების, მცხეთის, გორისა და უფლისციხის მონახულებას
🔹 თოჯინების შექმნასა და თიხის ნაკეთობების დამზადებას სკოლაში
✨ ვიზიტი დასრულდა თბილი დამშვიდობებით და მოსწავლეთა მიერ მოწყობილი მინი-კონცერტით!
🙏 მადლობა მასპინძელ ოჯახებს და მთელ სასკოლო საზოგადოებას გულთბილი მიღებისთვის!
Liceo Scientifico G.Marinelli Udine
Gli studenti e un insegnante del Liceo “Giovanni Marinelli” di Udine hanno visitato la Scuola Italiana di Tbilisi nell’ambito di un progetto di scambio didattico.
La visita comprendeva:
Coinvolgimento nel processo di apprendimento
Partecipazione a masterclass di danza, disegno, modellazione dell’argilla, esperimenti, robotica e lezioni IST
Visite a Tbilisi, ai musei Nazionale ed Etnografico, a Mtskheta, Gori e Uplistsikhe
Creazione di burattini e lavorazione dell’argilla a scuola
La visita si è conclusa con un caloroso saluto e un mini-concerto organizzato dagli studenti!
Grazie alle famiglie ospitanti e a tutta la comunità scolastica per la calorosa accoglienza!
📌 იტალიური სკოლის მოსწავლეები ეწვივნენ ელენე ახვლედიანის სახლ-მუზეუმს.
🏛️ ბავშვები აღფრთოვანებით ათვალიერებდნენ მხატვრის ინტერიერს და ნივთებს, რომლებიც მის ყოველდღიურობასა და შემოქმედებით სამყაროს ასახავდა. ინტერესით უსვამდნენ კითხვებს მუზეუმის წარმომადგენელს და ყურადღებით ისმენდნენ ისტორიებს.
🎼 ვიზიტის ფარგლებში მოსწავლეებმა პოეზიის მინი-საღამო მოაწყვეს.
🎹 მეხუთე კლასის მოსწავლემ, თეკლა სანიკიძემ, ხელმძღვანელის ნებართვით, ისტორიულ როიალზე დაუკრა, ინსტრუმენტზე, რომელზეც წლების წინ ცნობილი უცხოელი და ქართველი ხელოვანები უკრავდნენ.
✨ ვიზიტმა ბავშვებში გააღვიძა შემოქმედებითი მუხტი, კულტურული ინტერესი და ისტორიისადმი სიყვარული. შეხვედრა მათთვის განსაკუთრებით შთამბეჭდავი და ემოციური აღმოჩნდა.
პირველი ადგილი ინტელექტუალურ თამაშში!
ეროვნულ სასახლეში გამართულ ინტელექტუალურ შეჯიბრში — მათემატიკის, თანამედროვე ტექნოლოგიებისა და ფინანსური განათლების მიმართულებით — ჩვენი სკოლის გუნდმა პირველი ადგილი მოიპოვა!🌟
👏ვულოცავთ გამარჯვებულებს და ვამაყობთ მათი წარმატებით:
ნიკოლოზ საღირაშვილი
ხატია კუკავა
მართა არველაძე
ანასტასია ჭიჭინაძე
თაზო დეკანოიძე
მათე ვაჩეიშვილი
მანანა თოფურია- მასწავლებელი, არა მხოლოდ ბრწყინვალე პროფესიონალი, არამედ დიდი ადამიანი, რომელსაც შეუძლია ყოველი დღე განსაკუთრებული გახადოს. ✨
ის არის სწავლის უდიდესი ინსპირაცია, რომელიც ყოველთვის აძლევს ბავშვებს ახალ შესაძლებლობებს და აღძრავს მათში სწავლის სურვილს.
📚 უკვე 15 წელია იტალიური სკოლის დიდი ოჯახის წევრია.
მისი პედაგოგიური გზა სკოლაში პროექტით დაიწყო, რომელიც მალევე პროფესიულ საქმიანობად იქცა.
„2007 წელს დავიწყე პედაგოგობა. იმ პერიოდში განათლების სისტემაში მნიშვნელოვანი რეფორმები მიმდინარეობდა — ეროვნული გამოცდები, სტრუქტურული ცვლილებები… ამ პროცესებმა მოტივაცია მომცა, გადამედგა პირველი ნაბიჯები სკოლაში.
პირველი პროექტი მშობლის სტატუსით ჩავატარე — ‘ირმის ნახტომი’, რომელმაც საბოლოოდ განსაზღვრა ჩემი პროფესიული არჩევანი.“
❓ რა გიყვართ ყველაზე მეტად თქვენს საქმიანობაში?
„ჩემი გაკვეთილები ყოველთვის ცოცხალია და მრავალფეროვანი. ყველაზე ძვირფასი კი ის მომენტია, როცა მოსწავლე რაღაც ახლის აღმოჩენას ცდილობს — ეს ემოცია მუდმივად მაძლევს მოტივაციას.“
💡 როგორ უწყობთ ხელს მოტივაციას მათემატიკის სწავლისას?
დღესდღეობით, მოტივაცია ერთ-ერთი მთავარი გამოწვევაა. ტექნოლოგიებისა და ინტერესების მრავალფეროვნებამ ეს კიდევ უფრო გაამძაფრა. სწორედ ამიტომ ვცდილობ, გაკვეთილები ინტერაქტიული და თანამედროვე მეთოდოლოგიებზე დაფუძნებული იყოს. ჩემი მიზანია მოსწავლეებში ლოგიკური აზროვნების განვითარება, რაც მათემატიკასთან კავშირს მეტად ამყარებს.“
რას ურჩევდით მომავალ პედაგოგებს?
,,აირჩიონ ეს პროფესია მხოლოდ მაშინ, როცა მზად იქნებიან პასუხისმგებლობისთვის, რომელიც ბავშვებთან მუშაობას ახლავს. პედაგოგობა ცოდნაზე მეტია — ეს არის ემოციური ჩართულობა, დაკვირვება და მუდმივი მზადყოფნა ცვლილებისთვის. თუ გიყვარს, რასაც აკეთებ, გზაც და შედეგიც ფასეული ხდება.“
და კიდევ ერთხელ შეგვახსენეს, რამდენად მნიშვნელოვანია ჩვენი პლანეტის სიყვარული და დაცვა. 💚
ინტეგრირებული აქტივობა ინგლისური ენისა და მუსიკის მასწავლებლების კოლაბორაციით განხორციელდა.
📚 I კლასის მოსწავლეებმა (პედ. მაკა მეთეფშიშვილი) ლიტერატურული კომპოზიციით – „ო, ენავ ჩემო, დედაო ენავ“ – კიდევ ერთხელ გაუსვეს ხაზი ქართული ენის სიდიადესა და მნიშვნელობას.
✍️ სკოლაში მოწვეულმა კალიგრაფისტმა რუსუდან ხორბალაძემ II და III კლასის მოსწავლეებთან ჩაატარა კალიგრაფიის მასტერკლასი.
ბავშვებმა შექმნეს კალიგრამები და საზეიმოდ მიიღეს სერტიფიკატები.
📖 II კლასის (პედ. ნინო კაკიაშვილი) მოსწავლეებმა საკუთარი ხელით დაამზადეს ქართული ანბანის დიდი წიგნი.
📝 III კლასმა (პედ. ინგა კახიძე) სლოგანით „არა ბარბარიზმებს“ უმცროსკლასელებისთვის შექმნა თვალსაჩინო მასალა.
✒️ ყველა დაწყებით კლასში ჩატარდა კალიგრაფიის კონკურსი.
გამოვლინდნენ გამარჯვებულები, რომლებსაც სიგელები გადაეცემათ.
🎉🎓 ჩვენი მე-12 კლასის მოსწავლეები ევროპის წამყვან უნივერსიტეტებში გააგრძელებენ სწავლას.
🤗გილოცავთ ამ მნიშვნელოვან მიღწევას და გისურვებთ წარმატებებს საერთაშორისო აკადემიურ გზაზე!
🎉 წელს პირველად იტალიურ სკოლაში ჩატარდა იტალიურ ენაზე დაწერილი ლექსების კონკურსი „დიალოგი და მშვიდობა“, რომელშიც VIII-XI კლასების 28 მოსწავლე მონაწილეობდა. 📝
👉 კონკურსი სკოლის საერთაშორისო სექტორის ხელმძღვანელის, ლილიანა ნობილეს ინიციატივითა და იტალიის საელჩოს მხარდაჭერით განხორციელდა.
🎓 დაჯილდოების ცერემონიას დაესწრო საქართველოში იტალიის რესპუბლიკის საგანგებო და სრულუფლებიანი ელჩი, ბატონი მასიმილიანო დ’ანტუონო, რომელმაც ლექსების ავტორებს სიგელები გადასცა და ხუთი საუკეთესო ნამუშევრის ავტორი პრიზებით დააჯილდოვა. 🎖️
🥇 გამარჯვებულები:
I - ეკატერინე ჭიჭინაძე - Parlami senza ferire
II - ანი ჩხეტიანი - La Pace Crea Amore
III - ირაკლი ბერიძე - Una rima per la pace
IV - ელენე ჭაია - Un mondo di pace
V - სოფი მელუა - Memorie di pace
👏 ვულოცავთ გამარჯვებულებს და წარმატებებს ვუსურვებთ იტალიური პოეზიის სამყაროში!🌟
🌍 იტალიურ სკოლაში ეკო კლუბი გაიხსნა! 🌿
კლუბის პირველი ოფიციალური შეხვედრის ფარგლებში, სკოლას საქართველოს გარემოსა და ბუნებრივი რესურსების დაცვის ყოფილი მინისტრი, ქალბატონი ნინო ჩხობაძე ეწვია.🌿
შეხვედრის თემა კლიმატის ცვლილებებს ეხებოდა.
ქალბატონმა ნინომ მოსწავლეებთან ისაუბრა ეკოლოგიური ცნობიერებისა და მოქალაქეობრივი პასუხისმგებლობის მნიშვნელობაზე.
კლუბის მიზანია გარემოზე ზრუნვის კულტურის გაძლიერება და მრავალფეროვანი საგანმანათლებლო აქტივობების განხორციელება. ♻️✨
🎉 2 აპრილი – ჰანს ქრისტიან ანდერსენის დაბადების დღე და საბავშვო წიგნის საერთაშორისო დღე!
📖 იტალიური სკოლის დაწყებითი კლასების მოსწავლეებმა ეს დღე შემოქმედებითად აღნიშნეს.
🌟 I-II კლასელებს საბავშვო მწერალი თამარ ადამია ესტუმრა – მწერალმა პატარებს მათთვის საინტერესო კითხვებზე უპასუხა, შემდეგ კი რამდენიმე ზღაპარი წაუკითხა. ბავშვებმა ზღაპრებს საინტერესო გაგრძელებები მოუფიქრეს.
📖 III კლასელებმა წაკითხული წიგნების საყვარელი პერსონაჟები გაიხსენეს. III/1 კლასმა „კესანე“ წაიკითხა, გაგრძელება დაწერა და ნახატებით გააფორმა, III/2-მა კი ანდაზებზე დაფუძნებული ისტორიები შექმნა.
💙 ეს დღე ნამდვილად დასამახსოვრებელი და შთამაგონებელი აღმოჩნდა!
💡ნოე გულაშვილი წარმოგვიდგენს არდუინოს გამოყენებით აწყობილ გაზის დეტექტორს და შუქნიშანს, რომელიც მან და მისმა მეგობარმა საბამ ააწყეს.🛠️
🗓️ 21 მარტი, დაუნის სინდრომის საერთაშორისო დღეა.
💙 🤗იტალიურ სკოლაში მოსწავლეებმა განსაკუთრებული აქტივობებით აღნიშნეს ეს დღე:
🎥 პედაგოგმა ბავშვებს უჩვენა ვიდეო მეგობრობისა და თანასწორობის მნიშვნელობაზე.
📚 მოსწავლეებმა წარადგინეს პრეზენტაციები, რომლითაც გაუსვეს ხაზი საზოგადოების და თითოეული ადამიანის როლს თანასწორობის ჩამოყალიბებაში.
🧦 პატარებმა გააფერადეს და გამოჭრეს ჭრელი წინდები — სოლიდარობის ფერადი სიმბოლო.
🌍 ამ დღემ კიდევ ერთხელ შეგვახსენა, რომ ყველა ადამიანი თანასწორია
და მხოლოდ მეგობრული, ემპათიური გარემო ქმნის სრულფასოვან და ძლიერ საზოგადოებას.
🤖 სკოლის მოსწავლეებმა mBot რობოტის მეშვეობით შექმნეს საინტერესო პროექტი, რომელიც პროცესების ავტომატიზაციის შესაძლებლობას იძლევა.
🧠✨პროექტში გამოყენებულია ხაზის გამყოლი სენსორი, Mblock-ის კოდები და ChatGPT-ის მხარდაჭერა, რაც ემბოტს საშუალებას აძლევს, ეფექტურად და სიზუსტით იმუშაოს. ⚙️
🌍 📚 იტალიური სკოლის ბიბლიოთეკაში ინგლისური ენის ლიტერატურული წრის (ხელმძღვანელი რუსიკო გამსახურდია) მე-6 კლასელებმა შოტლანდიის შესახებ საინტერესო პრეზენტაცია წარადგინეს.
✨მათ ისაუბრეს ქვეყნის ისტორიაზე, კულტურაზე, ლიტერატურასა და გმირებზე.
🔹 გაიხსენეს ჯ. კ. როულინგის შოტლანდიაში გავლილი გზები, რომელმაც “ჰარი პოტერი” შთააგონა.
💫 განსაკუთრებული მომენტები:
🎭 რობერტ ბერნსის პოეზიის გაცოცხლება და მისი ლექსების მოსმენა;
🎼 ანსამბლ “ორერას” შესრულებული “კაცი ვარ და ქუდი მხურავს”;
🏌️ შოტლანდია, როგორც „ვისკის სამშობლო“ და სენტ-ენდრიუსის ლეგენდარული გოლფის მოედნები.
📜 ყველა მონაწილეს გადაეცა ქების სიგელი, ხოლო მე-5 კლასელმა ანასტასია აფშილავამ ზღაპრის თარგმნისთვის განსაკუთრებული აღიარება დაიმსახურა.
💙 პრეზენტაცია შოტლანდიური სიმღერებით დასრულდა.
📍 იტალიური სკოლის პედაგოგები, რუსა გალდავა და თეა ბახტაძე, ADASIM ასოციაციის ფარგლებში ალბანეთს ეწვივნენ და ტირანას იტალიური სკოლა მოინახულეს.
ვიზიტი საინტერესო შეხვედრებითა და კულტურული გამოცდილებებით გამოირჩეოდა.
🔹 საქართველოს პრეზენტაცია – მოსწავლეები დიდი ინტერესით გაეცნენ ჩვენი ქვეყნის ისტორიას და კულტურას. 🎤📖
🔹შეხვედრა სკოლის ხელმძღვანელობასთან – განხილული იყო საგანმანათლებლო პროცესი და არსებული გამოწვევები. 💡
🔹 ნეიროფსიქოლოგთან შეხვედრა – გაცვლითი პროგრამის ფარგლებში მნიშვნელოვანი დისკუსია განათლებასა და მოსწავლეთა განვითარებაზე. 🤝🧠
🔹 ტირანას ღირსშესანიშნაობები – პედაგოგებმა სკოლის დამფუძნებელთან ერთად მოინახულეს ისტორიული ადგილები, მათ შორის „House of Leaves“ მუზეუმი, სალვადორ დალის გამოფენა და ოპერის თეატრი. 🏛️
🌍 ვიზიტი საერთაშორისო თანამშრომლობის გაღრმავებასა და ახალი პროფესიული კონტაქტების დამყარებას შეუწყობს ხელს.💡✨
გაიცანით ჩვენი გუნდის ახალი წევრი!
ლილიანა ნობილე–
იტალიის განათლების სამინისტროს მიერ შერჩეული, ჩვენი სკოლის საერთაშორისო სექტორის ხელმძღვანელი. იგი არის ფილოსოფიის დოქტორი და განათლების სფეროში მრავალწლიანი გამოცდილების მქონე პედაგოგი.
განათლება პალერმოს უნივერსიტეტში მიიღო და თავისი ცოდნა მრავალ საერთაშორისო პროგრამაში მონაწილეობით გაამდიდრა. მისი სწავლების მეთოდები თანამედროვე, ინოვაციური და შთამაგონებელია.
ლილიანას მულტიკულტურული ხედვა და ინოვაციური მიდგომა იტალიური ენის სწავლას კიდევ უფრო საინტერესოს გახდის.
მენდელეევის პერიოდულობის ცხრილის საერთაშორისო დღე
VIII-X კლასის მოსწავლეებმა ქართულ, ინგლისურ და იტალიურ ენაზე საინტერესო პრეზენტაციებით აღნიშნეს ეს დღე.
ღონისძიება საბუნებისმეტყველო მეცნიერებათა კათედრის ხელმძღვანელობით გაიმართა.
მადლობა ჩვენს პედაგოგებს – რუსუდან ჯაფარიძეს, ცისია სუხიაშვილს, შორენა მერაბიშვილს და მაკა კაპანაძეს, ასევე ყველა მოსწავლეს აქტიური მონაწილეობისთვის.
ვებ-გვერდის განახლების თარიღი - 05/12/2024
Powered by aSc EduPage