სიახლეები

იტალიური სკოლის  მოსწავლეების დაუვიწყარი და საინტერესო დღეები  ბაკურიანის საზაფხულო ბანაკში!

პროგრამა ითვალისწინებს შემეცნებით,გასართობ და  სპორტულ აქტივობებს,სახალისო გაკვეთილებს ინგლისურ ენაში,ლაშქრობებს და  პიკნიკების მოწყობას მიმდებარე  ტერიტორიაზე.

ბანაკი 2021,  ბაკურიანი!

იტალიური სკოლის საერთაშორისო (ბილინგვურ ქართულ-იტალიურ) სექტორზე 2021-22 სასწავლო წლისთვის მოსწავლეთა მიღება დასრულებულია. ჯერ კიდევ გაქვთ შესაძლებლობა დარეგისტრირდეთ ქართულ სექტორზე და გახდეთ იტალიური სკოლის დიდი ოჯახის წევრი, სადაც თქვენ გელით:

1. უსაფრთხო და ჯანსაღი გარემო;

2. მოსწავლეზე ორიენტირებული ხარისხიანი განათლება;

3. ხარისხის მართვის საერთაშორისო სტანდარტის ISO 9001:2015 მოთხოვნების შესაბამისად მართული სასწავლო პროცესი დაფუძნებული ინოვაციური, ინტერაქტიული და პროექტული სწავლების (PBL) მეთოდოლოგიაზე:

4. გაძლიერებული ინგლისური ენის სწავლება (FCE, SAT, IELTS, TOEF)

5. მეორე უცხოური ენა - იტალიური;

6. მათემატიკის გაძლიერებული სწავლება ანალიტიკური, ლოგიკური, სისტემური და სიმბოლური აზროვნებისა და კვლევის უნარ-ჩვევის გამომუშავების მიზნით;

7. STEM საგნების გაძლიერებული სწავლება;

8. საშაბათო სკოლა და საკონსულტაციო მომსახურება.

ქართველ და უცხოელ პედაგოგთა მიერ, ინტენსიურად მიმდინარეობს, სააბიტურო პროგრამის ფარგლებში, მოსწავლეთა მომზადება, როგორც ქვეყნის შიგნით, ასევე ქვეყნის გარეთ უმაღლეს სასწავლებლებში სწავლის გაგრძელების და დაფინანსების მოპოვების შესაძლებლობით. მოსწავლეებს საშუალება აქვთ დამატებით ინგლისურ ენაზე შეისწავლონ ეკონომიკისა და მეწარმეობის საფუძვლები, ბიზნეს უნარ-ჩვევები, ასევე მსოფლიო ლიტერატურის შედევრები, რუსული, ფრანგული და გერმანული ენები.

ადგილების რაოდენობა შეზღუდულია.

მოსწავლეთა მიღება ხდება ტესტირებისა და გასაუბრების საფუძველზე.

დასარეგისტრირებლად გადადით შემდეგ ბმულზე.

დამატებითი ინფორმაციისთვის დაგვიკავშირდით 10:00-დან 15:00 სთ-მდე ტელეფონის ნომერზე 2351825 და /ან მოგვწერეთ ელქტრონულ ფოსტაზე info@italianschool.ge 

წარმატებას გისურვებთ!

სკოლა ,,ცისკარი" გამოხატავს ერთგულებას და სიყვარულს იტალიის ქვეყნის მიმართ, ნეტარი მიწისთვის, რომელმაც შექმნა უდიდესი კულტურა და სილამაზე მთელი მსოფლიოსთვის.რესპუბლიკის დღეს უსურვებს ბედნიერ მომავალს და განახლებულ სიცოცხლეს ყოველგვარი დაავადების გარეშე. გაუმარჯოს იტალიას!

ვიდეო 1      ვიდეო 2

La scuola ,,Tsiskari" esprime gran affetto verso l'Italia,la Terra Benedetta che creò immensa Bellezza e grande Cultura per tutto il mondo e per la Festa della Repubblica le augura il bel Futuro e che riprenda più pressto possibile la Vita libera da ogni malanno!Evviva l'Italia!!!

ეს დღე იტალიურ სკოლაში ყოველწლიურად დიდი ზეიმით აღინიშნება.  არც ეს წელი აღმოჩნდა გამონაკლისი.

ამჯერად, ნაცვლად დიდი თავყრილობისა, უმცროსკლასელებმა ორიგინალური ფორმა მოძებნეს, ფერადი ბუშტებით ხელში,  ყველა კლასში შეიარეს  და შეეცადნენ ლექსით,  სიმღერით და ბლიც-ვიქტორინით მოსწავლეებისთვის ფიქრები აეშალათ, რათა კიდევ ერთხელ გაეთავისებინათ, თუ რა  დიდებული ქვეყნის ენას სწავლობენ...

ნათქვამია: ,,ყველა გზა რომისკენ მიდისო". დაე, იტალიური სკოლის  მოსწავლეებისთვის კეთილი იყოს ეს სავალი გზა!

სკოლაში შემოსვლისთანავე თვალსა და გულს ახარებდა, რომის 2774 წლისთავისადმი მიძღვნილი, ხელოვნების პედაგოგის ეკა მელქაძის მიერ ორგანიზებული მოსწავლეთა  ნახატების გამოფენა.

21 აპრილს, მე-2 კლასის მოსწავლის,  ნატალი ჩხეტიანის დაბადების დღეც არის, იმდენად დიდია ნატალის  სიყვარული იტალიური ენის მიმართ, რომ ეს დიდი  სიყვარული იტალიასა და საქართველოს შორის, ნამდვილად ცოცხალ ხიდად იქცევა.

მეთოემეტე კლასელებმა: მარი ჩახავამ და დათო ხაჩიძემ, ლიტერატურული კაფე ,,ლიბრიამოჩის'' ახალ თაობას: ნატალიკო ჩხეტიანს, გურიკა ხუნაშვილს, სალომე ნადირაძეს, ნატალი ჯინჭარაძეს და ირაკლი გვერწითელს, სიმბოლური საჩუქრები გადასცეს, იმის ნიშნად, რომ მათ მიერ შექმნილი ლიტერატურული კლუბს სიცოცხლე  შეუნარჩუნეს და ჩაკეტილობის ჟამს მოახერხეს ლიტერატურული საშობაო საჩუქრების მომზადება, იტალიურად ნაამბობი კეთილი საშობაო ზღაპრების და მათი ქართული თარგმანების სახით და შემდეგ ვიდეოების მეშვეობით გაუგზავნეს მათ, ვისთვისაც ეს საინტერესო იქნებოდა.

იტალიური სკოლა, მორიგ წარმატებას ულოცავს დაწყებითი კლასების პედაგოგს ქალბატონ ინგა თეთრაძეს. ჩვენთვის საამაყოა იაკობ გოგებაშვილის პრემიის ლაურეატის, ქალბატონი ინგა თეთრაძის მიერ შექმნილი საბავშვო წიგნი ,,რატომელა", რომელიც სულ რამდენიმე დღეა გამოვიდა და უკვე ბესტსელერად იქცა.

საბავშვო ლიტერატურას უზარმაზარი  მნიშვნელობა აქვს ბავშვის ფსიქო-ემოციური და წიგნიერების უნარის განვითარებისთვის. ინგა არა ერთი მეთოდური ლიტერატურის ავტორია, მის მიერ შექმნილ  ,,კითხვის  რვეულსა" და ,,დიორამებს"  კარგად იცნობენ  ქართველი პედაგოგები. ახლა კი ,,რატომელას" დრო დადგა... ,,რატომელას" ერთნაირი ინტერესით ეცნობიან მოზარდები და მათი მშობლები. ეს არის მიმზიდველი და საინტერესო ამბები ცნობისმოყვარე პერსონაჟზე, რომელიც სვამს შეკითხვებს - რაც შეიძლება 6,7,8 წლის მოზარდს გაუჩნდეს: გარემოზე, ბუნებაზე, სამყაროზე, ადამიანებზე. ,,რატომელა"  საინტერესო თავგადასავლებით პოულობს პასუხებს.  პასუხები შთაბეჭდილების ქვეშ აქცევს მკითხველს.

იტალიური სკოლისთვის განსაკუთრებით საამაყოა ჩვენი მასწავლებლის მიერ შექმნილი საბავშვო წიგნის ამგვარი აღიარება,  წლების განმავლობაში, ტექსტების ნაწილს, ქალბატონი ინგა ქართულისა და  ბუნების გაკვეთილებისთვის ქმნიდა,  ამიტომაც ინგას მოსწავლეეები მუდამ გამოირჩევიან კითხვის სიყვარულით, წერის განსაკუთრებული მანერით.

ინგა მასწავლებელო, გილოცავთ  წარმატებულ დებიუტს საბავშვო ლიტერატურაში,  იმედი გვაქვს, ,,რატომელას" ამბები აუცილებლად გაგრძელდება.

იტალიურ სკოლაში სამივე საფეხურზე გაძლიერებულად ისწავლება ინგლისური და იტალიური ენები, ასევე ისწავლება რუსული ენაც.

სკოლის რუსული ენის პედაგოგის დალი ბეროშვილის ძალისხმევით, სასწავლო ცენტრ ,,რუსულ სახლთან“ თანამშრომლობის ფარგლებში,VIII-XII კლასების მოსწავლეები ყოველწლიურად აბარებენ სასერტიფიკაციო გამოცდებს. დამსახურებული  შედეგების მიხედვით მოსწავლეებს გადაეცემათ  რუსული ენის   ცოდნის შესაბამისი სხვადასხვა დონის სერტიფიკატები.

დღეს, 19 მარტს იტალიურ სკოლაში გაიმართა როგორც 2020 წლის, ასევე მიმდინარე 2021 წლის სასერტიფიკაციო გამოცდების შედეგების მიხედვით,მოპოვებული რუსული ენის ცოდნის დონის შესაბამისი  სერტიფიკატების გადაცემის ცერემონიალი.   (პანდემიური სიტუაციის გამო გასულ  წელს სერტიფიკატების გადაცემა ვერ მოხერხდა).

საანგარიშო პერიოდში A2 დონის სერტიფიკატი დაიმსახურა რვა მოსწავლემ. B1 დონის სერტიფიკატი დაიმსახურა შვიდმა მოსწავლემ. B2 დონის სერტიფიკატი დაიმსახურა ცხრამეტმა მოსწავლემ.

გასულ წელს სერტიფიკატი დაიმსახურა ოცდაორმა  მოსწავლემ. მიმდინარე  წელს - თორმეტმა. სერტიფიკატები მოსწავლეებს გადასცა სკოლის დირექტორმა ქალბატონმა  მაია ლაგვილავამ.

2021 წლის 15-25 თებერვალს  თბილისის იტალიურ სკოლა  „ცისკარში“ საზოგადოებრივ მეცნიერებათა კათედრაზე  ჩატარდა კვირეული  „საქართველო და ევროპა -  ევროპული ასოცირების პროცესი საქართველოში“.

მოსწავლეებმა კვირეულისთვის საინფორმაციო მასალად გამოიყენეს „ევროპული ასოცირების პროცესი საქართველოში  - დამხმარე სახელმძღვანელო ისტორიისა და სამოქალაქო განათლების მასწავლებლებისათვის“   (ავტორები: კავკასიის უნივერსიტეტის ჰუმანიტარულ და სოციალურ მეცნიერებათა სკოლის პროფესორი გურანდა ჭელიძე, კავკასიის უნივერსიტეტის სამართლის სკოლის ასოცირებული პროფესორი ეკატერინე ქარდავა და ამავე უნივერსიტეტის პროფესორი ზურაბ ბრაგვაძე)  სახელმძღვანელო  მომზადებულია კავკასიის უნივერსიტეტში ევროკავშირის Erasmus+ პროგრამების მხარდაჭერით, ჟან მონეს პროექტის „ევროპული სწავლების სამკუთხედი“ -  “Triangle Effect of European Studies at Schools” (TEESS) ფარგლებში - 611026-EPP-1- 2019-1-GEEPPJMO-PROJEC.

X-XI კლასის მოსწავლეებმა დაჩი წილოსანმა, გიორგი მეძმარიაშვილმა, სოფიო კობახიძემ, ზუკა ხუციშვილმა, ნიცა ქოქოლაძემ, ქეთი ჭიჭინაძემ, მია მკერვალიშვილმა და სხვებმა  ისტორიის გაკვეთილებზე  (პედაგოგი მაია ფირჩხაძე) მოაწყვეს პრეზენტაციები  თემებზე: „რას ნიშნავს იყო ევროპელი“, „ევროპული ცხოვრების წესი“,  „ევროკავშირის მიზნები“, „ევროკავშირის ფასეულობები“, „როგორ შეიქმნა ევროკავშირი“, „როგორია ევროკავშირში გაწევრიანების პირობები“, „რას გულისხმობს  ევროპის სამეზობლო პოლიტიკა (ENP)“  და  „აღმოსავლეთის პრატინიორობა (EaP)“, „როგორია ევროპული კავშირის დახმარებით განხორციელებული პროექტების შინაარსი“, „ახალი გამოწვევები ევროპული ინტეგრაციის პროცესში“, როგორია ევროპული კავშირის დახმარებები საქართველოსადმი, ოჯახის, პიროვნების უფლებებისა  და საქართველოსა და ევროპის ურთიერთობის სხვა საკითხების შესახებ.  პრეზენტაციებში წარმოჩნდა, რომ თანამედროვე საქართველოში პროგრესის, განვითარების და სწორი არჩევანის ერთ-ერთი საფუძველია ევროპული ინტეგრაცია, რაც საქართველოს ეროვნული და სასიცოცხლო ინტერესების ნაწილია, საქართველოს საშინაო პოლიტიკის საგანია, საქართველოს თითოეული მოქალაქის ღირსეული და დაცული ყოფის, მომავალში ინვესტირების პროცესია.

მოსწავლეთა გამოსვლებში, დისკუსიებში ცხადად იგრძნობოდა, რომ  განვითარების ევროპული გზა საქართველოს ხალხისა და საქართველოს სახელმწიფოს ისტორიული და ფასეულობითი არჩევანია.

იტალიური სკოლის საზოგადოებრივ მეცნიერებათა კათედრა მადლობას უხდის  კავაკასიის უნივერსიტეტს, მასწავლებლებისათვის ასეთი მნიშვნელოვანი და საჭირო სახელმძღვანელოს შედეგენისა და მოწოდებისთვის. 

სკოლის ადმინისტრაციის წარმომადგენელთან გასაუბრების საფუძველზე, უზრუნველყოფილი იქნება მოსწავლის პირველ კლასში დარეგისტრირება და საბუთების მიღება.

ზედა კლასებში, არსებული ვაკანსიის შემთხვევაში, შესაბამის კლასში, მოსწავლეთა დარეგისტრირება მოხდება ძირითად საგნებში გასაუბრების/ტესტირების საფუძველზე.

დამატებითი ინფორმაციისთვის დაგვიკავშირდით ტელეფონებზე:

599 153 181;

599 730 370.

პანდემიური სიტუაციის გამო, სკოლის შენობაში შემოსვლა მოხდება, დროის წინასწარი შეთანხმების საფუძველზე.

მისამართი: დიდუბე, თორნიკე ერისთავის ქუჩა 2/ა.

სკოლის ტელეფონი 032 2351825.  

e-mail: info@italianschool.ge

 

ვულოცავთ ჩვენისკოლის მოსწავლეებს: მარია კარავასილისს, ლილიკო კერესელიძეს, ნიკიტა ზაქაიძეს, რუსკა ტაბატაძესა, მია მკერვალიშვილს, ნატალია ჭიჭინაძეს, დავით ერემიანს და ინგლისური ენის კათედრას ოქსფორდისა და კემბრიჯის ზაფხულის სკოლის სტიპენდიის მოპოვებას.

მსოფლიო მასშტაბით ორგანიზებულ ესეების კონკურსში, სადაც მრავალათასიან მონაწილეთა შორის ჩვენი სკოლის ათი მოსწავლისგან შვიდმა დაფინანსება მოიპოვა და გაიმარჯვა, ნამდვილად დიდი წარმატებაა.

გილოცავთ და კვლავ მრავალ წარმატებას გისურვებთ.

იტალიური სკოლა ამაყობს თქვენით და ინგლისური ენის კათედრის პროფესიონალთა გუნდით!

ძვირფასო პედაგოგებო, მოსწავლეებო, მშობლებო, გილოცავთ დამდეგ შობა-ახალ წელს!

ვულოცავთ ჩვენი სკოლის პედაგოგებს, რომლებმაც თავდაუზოგავი შრომით გაამრავალფეროვნეს ეს უჩვეულო სასწავლო წელი, დიდი მადლობა თითოეულ თქვენგანს, თქვენი დამსახურებაა რომ სხვადასხვა რესურსების გამოყენებით უწყვეტ რეჟიმში, შეუფერხებლად გრძელდება სასწავლო პროცესი.

დიდი მადლობა მშობლებს, გვერდში დგომისა და  პედაგოგების შრომის დაფასების და მადლიერებისთვის, რაც დაფიქსირდა გამოკითხვის შედეგებით.

მადლობა ჩვენს მოსწავლეებს, რომლებიც თავიანთი შრომით აძლიერებენ პედაგოგების მოტივაციას ამ მეტად რთულ პერიოდში.

იმედია, მალე შევხვდებით ერთმანეთს სასკოლო სივრცეში და ახალი 2021 წელი  ჯანმრთელობას, ბედნიერებას, წარმატებებს, სიკეთეს, სიყვარულს აჩუქებს მსოფლიოს, საქართველოს და ჩვენს საყვარელ სკოლას!

იტალიური სკოლა „ცისკრის“ პატარა  მხატვრების ვირტუალური საახალწლო გამოფენა    

მოგზაურობა ჩვენი სკოლის პატარა  მხატვრების ჯადოსნურ  და ფერად სამყაროში.

I-VI კლასების  მოსწავლეების მიერ შექმნილი  კოლაჟები,აპლიკაციები, ფერწერული  და გრაფიკული  ნამუშევრები.

პედაგოგი ეკატერინე მელქაძე

ლიტერატურული კაფე ,,ლიბრიამოჩი’’ წელს,4 ნოემბერს, სამი წლის გახდა.

პირველი თაობიდან ორი უკვე სკოლას ამთავრებს: მარი ჩახავა და დათო ხაჩიძე.

,,ლიბრიამოჩის’’ ლიტერატურული სივრცის შექმნა სწორედ მათი დამსახურებაა,რაც შემთხვევითი არ არის,ისინი მე-6 კლასში იყვნენ, მთარგმნელთა სასკოლო კონკურსში რომ გაიმარჯვეს.დათომ შექმნა ვებგვერდის დიზაინი და იგი იყო ერთდერთი რაინდი მუზებს შორის, სახსოვრად საკუთარ ლექსსაც გვიტოვებს ,,Io la terra’’. ახალ თაობას ისინი მყარ საფუძველს უტოვებენ ახალი იდეების საყრდენად.

საბედნიეროდ  პატარა  ლიბრიამოჩელები  ფანტაზიით, ცოდნის წადილით და შემოქმედებითი  ენერგიით აღსავსენი არიან. მიუხედავად ვირტუალური  შეხვედრებისა,მათ მოახერხეს საშობაო ლიტერატურული  საჩუქრების  მომზადება. პატარა მშვენიერმა მუზამ, მე-2 კლასელმა,  ნატალი ჩხეტიანმა  და მისმა თანაკლასელმა , რაინდმა  გურიკა ხუნაშვილმა ცივი ზამთრის  თბილი ჩანახატის ჩუქება გადაწყვიტეს: ,,Il Nonno Inverno’’ ,,მოფარფატე  თოვლის ფიფქები’’ ასე თარგმნეს.  მე-5 კლასელმა მშვენიერმა  მუზებმა, : სალომე ნადირაძემ, ნატალი  ჯინჭარაძემ  და გონიერმა რაინდმა ირაკლი გვერდწითელმა კი  მასიმო ფიორიოს კეთილი საშობაო ზღაპრის ,,Il gran desiderio di un fiocco di neve’’.,,თოვლის ფიფქის ნატვრა’’.

ვინ არის მასიმო ფიორიო ? ცოტა ხნის წინ სასწაული მოხდა, დაკარგული მეგობარი  19 წლის შემდეგ ვიპოვეთ, ინტერვიუს მეშვეობით,რომელიც სრულიად შემთხვევით გამოჩნდა ინტერნეტში.

მასიმო ფიორიო დღე უკვე 33 წლისაა, მწერალია და მისი სახით დიდი მეგობარი დაგვიბრუნდა. 20 წლის წინ კი პატარა ბიჭი უმძიმეს დაავადებას ებრძოდა, მიუხედავად ამისა წერდა სიკეთითა და  მადლიერებით აღსავსე ზღაპრებს. იგი დღესაც სათუთად ინახავს ჩვენი მოსწავლეების ხელნაწერ წერილებს.როგორც ჯანი როდარი იტყოდა:,,Se ci diamo la mano,i miracoli si faranno e il giorno di Natale durerà tutto l’anno.’’ ,,თუ ერთმანეთს ხელს გავუწვდით, სასწაულები  მოხდება  და  შობის დღე  მთელი წელი გაგრძელდება.’’

კეთილ შობას გისურვებთ ლიბრიამოჩელები, იმედით შვხვდეთ ახალ წელს,ყველაფერი კარგად იქნება!!!

ჩვენი კარი ყველასთვის ღიაა, ვისაც სურს თავისუფალ, იტალიურ-ქართულ  ლიტერატურულ სივრცეში შემოქმედებითი ფრთების გაშლა და ფანტაზიის სამყაროში ლაღად ნავარდი.

BUON  NATALE   E   FELICE  ANNO  NUOVO!!!

იტალიურ სკოლის IV, VII , IX,   X კლასებში, განათლების, მეცნიერების, კულტურისა და სპორტის სამინისტროს მიერ შემოთავაზებული პროექტის ფარგლებში, 2020 წლის 1 - 8 დეკემბრს,  ონლაინ სივრცეში   ჩატარდა  ძალადობის საწინააღმდეგო კვირეული. კვირეულის ჩატარების მიზანი -  ძალადობის (ბულინგი, ოჯახური ძალადობა, ნაადრევი ქორწინება და სხვა) პრევენცია და სკოლებში უსაფრთხო საგანმანათლებლო გარემოს შექმნის ხელშეწყობა;  ბულინგის, უსაფრთხოებისა და სამოქალაქო განათლების მიმართულებით, სასკოლო საზოგადოების   ცნობიერების ამაღლება).

კვირეული მიმდინარეობდა  ექსპერტების   მიერ წინასწარ შემუშავებული რეკომენდაციების საფუძველზე. ჩატარდა სამოქალაქო განათლების დისტანციური  გაკვეთილები ძალადობის თემაზე. მოეწყო სასკოლო კონკურსი, სახელწოდებით:     ,,არა ძალადობას! ძალა უფლებას!“

მოსწავლეებმა შექმნეს ნახატები, საინფორმაციო ბუკლეტი/ფლაერები, მათ ონლაინ ფორმატით, სააკოლო საზოგადოებას, გააცნეს თემატური პრეზენტაციები. აქტივობებში აქტიურად იყვნენ ჩართული მოსწავლეთა მშობლები

გაქვს სურვილი, რომ მოიპოვო სტიპენდია ოქსფორდისა და კემბრიჯის ზაფხულის სკოლის დისტანციურ და/ან დასწრებულ აკადემიურ პროგრამებზე?

დღეს ეს შესაძლებელია, მიიღე მონაწილეობა ესეების შიდა სასკოლო კონკურსში და შენ ეს შესაძლებლობა რეალობად გექცევა!

შიდა სასკოლო კონკურსში ესეების წარდგენის ბოლო ვადაა 25 დეკემბერი.

კონკურსში მონაწილეობის მსურვლებმა გთხოვთ, დეტალური ინფორმაციისთვის, მიმართოთ ინგლისური ენის პედაგოგებს.

დღეს, დიდ იტალიელ საბავშვო მწერალს, ჯანი როდარის 100 წელი შეუსრულდა! ვინ არ იცნობს ჩიპოლინოს, რომლის თავგადასავალი ნათარგმნია მსოფლიოს მრავალ ენაზე.

1920 წლის 23 ოქტომბერს იტალიის ქალაქ ომენიაში დაიბადა უდიდესი საბავშვო მწერალი და პედაგოგი ჯანი როდარი. მისი ყოველი ნაწარმოები ფანტაზიის დღესასწაულია. იგი ზღაპრების არარეალური სამყაროს მეშვებოთ ცდილობს ბავშვებს დაანახოს რეალური სამყარო და კეთილი რჩევები მისცეს. ჩვენი სკოლა მიწვეული იყო ჯანი როდარის 100 წლისთავზე, მაგრამ დღეს მხოლოდ შორიდან ვულოცავთ ომენიას, მის მშობლიურ ქალაქს, ამ დიდებულ დღეს. ასევე მთელი მსოფლიოს როდარიანელებს!

სკოლა ცისკრის პროექტში, რომელიც ჯანი როდარის 100 წლისთავს მიეძღვნა არის რუბრიკა: ტექსტზე „ჯანი ჩვენ ტოლები ვართ“ შექმენი მუსიკა.

სკოლა ჯეჯილიდან მივიღეთ ულამაზესი კლიპი, რომლის ავტორია კომპოზიტორი არჩილ გიორგობიანი, სიმღერას ასრულებს მისი შვილი ალექს გიორგობიანი (სკოლა ჯეჯლი, 3 კლასის მოსწავლე). მას ძალიან უყვარს იტალია და ჯანი როდარი.

დარწმუნებულები ვართ, რომ სილამაზე და სიკეთე ყველა ვირუსს და ყოველგვარ ბოროტებას ძლევს.

Oggo e` il centessimo anniversario di Ganni Rodari il famoso scrittore italiano. Chi non conosce Cipolino, la cui avventura e` stata tradotta in tutte le lingue.

Nel 1920 il 23 ottobre, proprio oggigiorno, nacque ad Omegna il gran scrittore per l’infanzia e pedagogista Gianni Rodari. Ogni sua opera è una festa della fantasia, lui cerca attraverso del mondo irreale delle fiabe fa osservare ai bambini il mondo reale della vita e cosi dargli buoni consigli.

Purtroppo, solo da lontano possiamo fare gli auguri più affettuosi ad  Omegna ed a tutti Rodariani del mondo!

Nel progetto della scuola "TSISKARI" dedicato a centennario di Gianni Rodari c'e una rubrica - comporre una musica sul testo "Gianni abbiamo la stessa eta, tu e noi".

Ecco dalla scuola "Gegili" di Tbilisi, dove da tre anni si insegna l'italiano, abbiamo ricevuto questo bellissimo video: compositore - Archil Giorgobiani, Canta suo figlio Alex Giorgobiani III elementare. Un ragazzo, tanto innamorato d'Italia e Gianni Rodari.

La bellezza e la bonta vinceranno ogni virus ed ogni male! Siamo sicuri.

2001 წლიდან მთელს მსოფლიოში ყოველწლიურად, იტალიის რესპუბლიკის პრეზიდენტის პატრონაჟით, აღინიშნება იტალიური ენის კვირეული.

 

მეოცე მსოფლიო კვირეულის ფარგლებში იტალიურ სკოლა ცისკარში წელს, 21 ოქტომბერს, საქართველოში იტალიის საელჩოს მხარდაჭერითა და თანადგომით, ჩატარდა პროექტის პრეზენტაცია „კომიქსი მუზეუმებში“.

პროექტის ფარგლებში პედაგოგებმა მოსწავლეებს წარუდგინეს იტალიის მუზეუმების უჩვეულო პრეზენტაციები, რომლებსაც ცნობილმა იტალიელემა გრაფიკოსებმა 51 ბროშურისგან შემდგარი კომიქსების სერია მიუძღვნა. აჩვენეს სხვადასხვა ვიდეორგოლები, მათ შორის ნაჩვენები იყო ქ. რომის ტრაიანეს არქეოლოგიური მუზეუმი, რომლის მიხედვით მესამე კლასის მოსწავლეებმა, პედაგოგების დავიდე დოჩჩიოლის და ქეთევან სიხარულიძის ხელმძღვანელობით, შექმნეს კომიქსები ნახატების სახით, ხოლო მეექვსე კლასის მოსწავლეებმა, პედაგოგ ეკა ლაგვილავას ხელმძღვანელობით კომიქსები - კომპიუტერული სახით.

პროექტის მიზანი იყო სწავლებაში კომიქსების გამოყენებით, მუზეუმების სამყაროში მოსწავლეთა მოგზაურობა და იტალიის მუზეუმების უკეთ გაცნობა.

 

La Settimana della Lingua Italiana viene celebrata ogni anno in tutto il mondo dal 2001 sotto gli auspici del presidente della Repubblica Italiana. Nell'ambito della XX Settimana Mondiale, la scuola italiana “Tsiskari”, il 21 ottobre, con il supporto e l'assistenza dell'Ambasciata d'Italia in Georgia, ha tenuto una presentazione del progetto "Comics in Museums". Nell'ambito del progetto, i docenti hanno presentato agli studenti delle insolite presentazioni dei musei italiani, a cui famosi grafici italiani hanno dedicato una serie di fumetti composta da 51 opuscoli.

Presso l'istituto “Tsiskari”, sono stati mostrati vari video, incluso quello riguardante il Museo Archeologico “Metauros”, secondo il quale i bambini di terza elementare, coordinati dagli insegnanti Davide Doccioli e Ketevan Sikharulidze, hanno realizzato fumetti sotto forma di disegni, e gli alunni della sesta classe, guidati dall'insegnante Eka Lagvilava, hanno creato fumetti con l'ausilio del computer.

Lo scopo del progetto è stato quello di utilizzare il fumetto nell'insegnamento, portare gli studenti in un viaggio nel mondo dei musei e conoscere meglio i musei italiani

 

15 სექტემბერს ახალი სასწავლო წელი, იტალიურ სკოლაში განახლდა დისტანციურ რეჟიმში.

პირველი ოქტომბრიდან I-VI კლასების მოსწავლეებისთვის სწავლება მიმდინარეობს სასკოლო სივრცეში.

სასწავლო პროცესი სკოლაში წარიმართება ზოგადსაგანმანათლებლო დაწესებულებებისთვის, ახალი კორონავირუსით (SARS-CoV-2) გამოწვეულ ინფექციასთან (COVID-19) დაკავშირებული ზოგადი რეკომენდაციების სრული დაცვით.

საერთაშორისო, იტალიურენოვანი კონკურსის  ,,Uno, nessuno e centomila'' სპეციალური პრემიით ,,მწერლების გზა'' დააჯილდოვა იტალიური სკოლის X-XI კლასის მოსწავლების ნამუშევარი, ნოველა ,,ჯარას'' თეატრალური ვერსია. 

ყველაფერი ასე დაიწყო: იტალიელი დრამატურგის, რომანისტის ლუიჯი პირანდელოს მშობლიურ ქალაქ აგრიჯენტოში (სიცილია), გაიმართა საერთაშორისო, იტალიურენოვანი კონკურსი ,,Uno, nessuno e centomila” (ერთი არავინ და ასი ათასი), რომელშიც წელს იტალიელ მოსწავლეებთან ერთად მონაწილეობდნენ ჩვენი სკოლის X-XI კლასის მოსწავლეებიც.

ლიტერატურული კაფე ,,ლიბრიამოჩის“ პროექტის ფარგლებში, გაიგზავნა ლუიჯი პირანდელოს ნოველის ,,Giara” (ქვევრის) საფუძველზე მომზადებული სცენარი, პროექტის ხელმძღვანელი იტალიური ენის პედაგოგი რუსუდან ყოინაშვილი.
ქართველების მიერ მომზადებულმა პროექტმა ჟიურის მოწონება დაიმსახურა. ჩვენი მოსწავლეები 12 ფინალისტს შორის მოხვდნენ. მიმდინარე წლის მარტში (9-14) ქალბატონ რუსუდან ყოინაშვილთან ერთად იტალიური სკოლის მოსწავლეები: სოფიკო კობახიძე, ნიცა ქოქოლაძე, ქეთევან ჭიჭინაძე, ანა ლოლუა, დეა ტუგულაშვილი და მაკა ზითანიშვილი მიწვეული იყვნენ სიცილიაზე, ქ. აგრიჯენტოში. ცხადია, პანდემიის გამო კონკურსზე მიწვეულები იტალიაში ვერ გაემგზავრნენ.

სასიამოვნო შეტყობინება იტალიიდან:
აგრიჯენტო, 12.06 2020, სკოლა ,,ცისკარს'', პედაგოგებს რუსუდან ყოინაშვილს და ლაურა ბონელის (იტალიური ენის კათედრის ხელმძღვანელი, ავტ, შენიშვნა).
კონკურსი ,,Uno,nessuno e centomila'', სიამოვნებით გაცნობებთ, რომ საკონკურსო კომისიამ და ქვემოთ ჩამოთვლილმა ჟიურის წევრებმა....სპეციალური პრემიით ,,მწერლების გზა'' დააჯილდოვა X-XI კლასის მოსწავლების ნამუშევარი, ნოველა ,,ჯარას'' თეატრალური ვერსია, შემდეგი შეფასებით:
,,სცენების გამორჩეული აღწერისთვის, მოკლე თეატრალური დადგმის საუკეთესო ტექსტისთვის. ნოველაში არსებული პეიზაჟების დიალოგად წარმოდგენისთვის და ამ მიზნით ახალი პერსონაჟების შექმნისთვის.''
დაჯილდოების ცერემონია შედგება 2021 წელს. პრემია მიენიჭა პროექტის ხელმძღვანელს და მოსწავლეებს.

 

აქვე გთავაზობთ ინტერვიუს ქალბატონ რუსუდან ყოინაშვილთან
https://www.concorsounonessunoecentomila.it/…/kvevri-e-gia…/
ინტერვიუს შემოკლებული ვერსია:

 

21. 06 2020.
,,ქვევრი და ჯარა, საერთო ფესვები''
2020 წელს სკოლამ მონაწილეობა მიიღო კონკურსში ,,ერთი, არავინ და ასიათასი'' პირანდელოს ნოველა ,,ჯარას'' მიხედვით შექმნილი თეატრალური ვერსიით.
კონკურსის მონაწილეები არიან X-XI კლასის მოსწავლეები: დეა ტუგულაშვილი, მაკა ზითანიშვილი, ნიცა ქოქოლაძე, ქეთი ჭიჭინაძე, ანა ლოლუა, სოფი კობახიძე, მარი ჩახავა.
მათ შეძლეს პირანდელოს ნოველა დიალოგებად ექციათ, ისე რომ ნაწარმოების შინაარსი და მთავარი სათქმელი ხელუხლებლად დაეტოვებინათ.
*რა სიძნელეებს წააწყდით მუშაობის პროცესში?
,,მოსწავლეებისთვის თვით ტექსტის წაკითხვა იყო საკმაოდ რთული. ამდენად ჩემ თავზე ავიღე მათი მეგზურობა ენობრივი დაბრკოლებების გადასალახად.''-პასუხობს პედაგოგი რუსუდან ყოინაშვილი.
,,ტექსტის კითხვისას რთული მონაკვეთების ახსნასთან ერთად ვცდილობდი ეგრძნოთ ნაწარმოებში აღწერილი გარემო და პერსონაჟების ხასიათები, რათა წაკითხვის შემდეგ შეძლებოდათ აღწერილობითი ტექსტის დიალოგებად ქცევა.
თანდათან სამუშაო მოსწავლეებისთვის სახალისო ხდებოდა, რადგან შემოქმედებით ხასიათს იღებდა.''
*თუ აღმოაჩინეთ რაიმე მსგავსება ამ ორ კულტურას შორის?
,,ჯარა'' იმის გამო ავირჩიე, რომ ქართულად უკვე გადაღებული იყო მოკლემეტრაჟიანი ფილმი ,,ქვევრი'' ამ ნოველის მიხედვით. ქვევრი-თიხის ჭურჭელია, რომელსაც საქართველოში საუკუნეებია იყენებენ ღვინისთვის და არა ზეთისთვის.
პირანდელოსეული ტექსტი მისადაგებულია ქართულ რეალობასთან, თუმც შინაარსი და პერსონაჟების ხასიათები უცვლელია, რადგან მრავალი რამ გვაქვს საერთო სიცილიასთან,''
*როგორ ფიქრობთ, პირანდელო დღესდღეობით აქტუალურია?
,,დიახ, ვფიქრობ, რომ აქტუალურია, რადგან მისი ნაწარმოებები მეტად მნიშვნელოვან ადამიანურ საკითხებს ეხება.
თავს ვერ მოვიწონებ იმით, რომ ლუიჯი პირანდელოს ყველა ნაწარმოები წამიკითხავს, რაც საკმაოდ მრავალრიცხოვანია, მაგრამ ყოველი წაკითხული ნოველა მაფიქრებდა ადამიანურ მანკიერებებსა და ღირსებებზე, უკიდურესი გასაჭირიც კი მის ნაწარმოებებში უეცრად მოულოდნელ სახეს იღებს,ზოგჯერ პოეტურსაც, მაგალითად ,,მარაო''.
*მოსწავლეებს უყვართ თუ არა კლასიკური ლიტერეტურა და თუ კითხულობენ მას?
,,კლასიკური ლიტერატურა რომ უყვარდეთ, უნდა ესმოდეთ, ამ შემთხვევაში საიმედო ხელი სჭირდებათ, რომელიც ,,უსიერი ტყის'' ბოლოში სინათლეს დაანახებს.
ახალგაზრდები განსაკუთრებით პოეზიას არ წყალობენ, არადა ლიტერატურის მწვერვალი სწორედ პოეზიაა, რომელსაც შეუძლია მოაჯადოვოს ისინი და ასევე პასუხი გასცეს მათ მრავალ კითხვას, რაც ამ ასაკისთვის ჩვეულია.
სწორედ ამიტომ, ჩვენ ლიტერატურულ კაფე ,,ლიბრიამოჩიში,''რომელიც მხოლოდ სამი წლისაა, ვცდილობ ყოველთვის მაღალი ლიტერატურული ღირებულების ნაწარმოებები წავაკითხო, მათ შეჰბედეს კიდეც ეთარგმნათ: კარდარელის, მონტალეს, დ'ანუნციოს პოეზია, ასევე ჯანი როდარის საბავშვო ლექსები.
ამჯერად ვთარგმნით ალესანდრო დ'ავენიას ,,რძესავით თეთრი სისხლივით წითელი,'' რომანს, რომელმაც მოსწავლეებზე დიდი შთაბეჭდილება მოახდინა.
*სკოლაში თუ არის თეატრალური ლაბორატორია?
,,თეატრალური ლაბორატორია არ გვაქვს, მაგრამ სკოლის დაარსების დღიდანვე ბავშვები სცენაზე დგანან და მათ საყვარელ გმირებს ასახიერებენ.
სასკოლო პროგრამაში შედის ,,პინოქიოს თავგადასავლის"' სცენაზე წარმოდგენა.
უკეთ აგიხსნით. ჩვენ სკოლაში ბავშვები იტალიურ წერა-კითხვას სწავლობენ ანბანით - ,,სამი ცისარტყელა,'' რომელიც 25 წლის წინ დავწერე გამოუვალი მდგომარეობის გამო, არ არსებობდა ჩვენი ბავშვების შესაძლებლობებთან მისადაგებული სახელმძღვანელო. ეს წიგნი ერთგვარი მოგზაურობაა , იტალიური ასოების ქვეყანაში,'' სადაც მეგზურობას ბავშვებს მათი დიდი მეგობარი პინოქიო უწევს. წერა -კითხვის სწავლების შემდეგ, საკუთარი თავგადასავლების სამყაროშიც ამოგზაურებს მათ.
ამგვარად, სასწავლო წლის ბოლოს ბავშვები სცენაზე წარმოადგენენ პიესას ,,მოგზაურობა იტალიური ასოების ქვეყანაში პინოქიოსთან ერთად.''
სპექტაკლს ამშვენებს მუსიკალური თანხლება და სიმღერები.''

სკოლის შენობა ამჯერად დაკეტილია, მარტიდან სწავლება დისტანციურად, ონლაინ რეჟიმში მიმდინარეობდა.

უჩვეული სასწავლო წლის დასასრულის სიურპრიზი

ტრადიციისამებრ, იტალიური სკოლის მე-3 კლასელები ცხოვრების ახალ ეტაპზე გადადიან, ახალი საინტერესო საგნები, ხვადასხვა პედაგოგები. ჩვეულებრივად ამ დროს სხვადასხვა სცენარებით ეწყობა საზეიმო გამოსაშვები საღამოები. 19 ივნისს, მე-3 კლასელების წლევანდელი უჩვეულო სასწავლო წელი დასრულდა გამოსაშვები ონლაინ პრეზენტაციით.

ეს დღე არასოდეს დაავიწყდებათ იტალიური სკოლის 2020 წლის მე-3 კლასელებს.

პირველი პედაგოგები, მაია ალავიძე და მარინა ზაქარიაშვილი