სიახლეები

23 თებერვალს იტალიურ სკოლას საქართველოში იტალიის სრულუფლებიანი ელჩი - მასიმილიანო დ’ანტუონო და ელჩის მოადგილე - ფაბიოლა ალბანეზე ეწვივნენ.

Ambasciata d'Italia a Tbilisi/იტალიის საელჩო საქართველოში

იტალიის ახალმა ელჩმა საქართველოში, მასიმილიანო დ’ანტუონომ უკვე ტრადიციული გაცნობითი ხასიათის შეხვედრა გამართა ჩვენი სკოლის მოსწავლეებთან და ადმინისტრაციასთან.

---

Il 23 febbraio l'ambasciatore plenipotenziario d'Italia - Massimiliano D'Antuono e vice capo missione - Fabiola Albanese hanno visitato la scuola italiana.

Il nuovo ambasciatore d'Italia in Georgia, Massimiliano D'Antuono, ha già tenuto un incontro tradizionale di presentazione con gli studenti e la direzione della nostra scuola.

იტალიური სკოლის მოსწავლეები ყოველთვის გამოირჩევიან სამოქალაქო აქტივობებით და ნოვატორული იდეებით. სასწავლო პროექტები განსაკუთრებით უწყობს ხელს მათი საინტერესო იდეების განხორციელებას. ამ მხრივ ერთობ ეფექტური აღმოჩნდა საგან „მოქალაქეობის“ (პედაგოგი #ნათიასიმონია) ფარგლეში განხორციელებული პროექტი “შეცვალე შენი სასკოლო გარემო“. პროექტი დაგეგმეს და განახორციელეს X კლასის მოსწავლეებმა.

პროექტის I ეტაპზე მოსწავლეები დაიყვნენ ჯგუფებად და ცალ-ცალკე ჯგუფების მიხედვით გაიარეს კონსულტაციები სკოლის ისტ-ის მასწავლებელთან ნინო დევაშვილთან. მოსწავლეები დაეუფლნენ 3D - პროგრამაში საკლასო დიზაინის შექმნას და დაამზადეს მათთვის სასურველი საკლასო ოთახის დიზაინი.

II ეტაპზე გაიმართა კონკურსი. გამარჯვებულმა გუნდმა, ადვოკატირების საფუძველზე, სკოლის ადმინისტრაციისგან მიიღო ნებართვა საკლასო ოთახის სივრცობრივი ცვლილებებისა და სასურველი დიზაინით საკლასო ოთახის მოწყობის შესახებ.

აღნიშნულ პრექტზე მუშაობით მოსწავლეებმა აიმაღლეს ციფრულ წიგნიერებასთან დაკავშირებული უნარები, ზოგადი საგნობრივი კომპეტენციები, სკოლას შეემატა მოსწავლეთა მიერ დაგეგმარებული, განსაკუთრებულად მოხერხებული და კომფორტული საკლასო ოთახი და ზოგადად, ხელი შეეწყო სწავლა-სწავლების ხარისხის გაზრდას.

გადმოწერა

24 იანვარს,იტალიური სკოლის პედაგოგებმა ხათუნა ჩალაძემ,გურამ კუპრაშვილმა,მაია ხაჭაპურიძემ,გიორგი სილაგავამ,ნინი დევაშვილმა,თიკო ზაქაიძემ და ნიკა ესაკიამ თავიანთი ,,ბავშვობის კარი ფართოდ გაუღეს" მოსწავლეებს,რათა იმ მაგიურ სამყაროზე ესაუბრათ,რომელსაც წიგნი და ლიტერატურა ჰქვია.

მასწავლებლები ამჯერად მეხუთე კლასელებმა მოიწვიეს და ის შთაბეჭდილებები და ,,თავგადასავლები" მოისმინეს,შორეულ წლებში წიგნთან მათ პირველ შეხვედრას რომ ახლდა. სტუმრებმა გაიხსენეს ის,თუ ვინ აზიარა ისინი ამ სამყაროს,რომელმა ნაწარმოებმა მოახდინა განსაკუთრებული შთაბეჭდილება, რა განსაკუთრებული ხიბლი ახლდა უფროსებთან ერთად წიგნის კითხვის ან რომელი ნაწარმოები იქცა მათი ცხოვრების მეგზურად.

...მოგზაურობა ბავშვობისა და ლიტერატურის სამყაროში გრძელდება.

დასრულდა საინტერესო, ემოციებითა და მხიარული თავგადასავლებით სავსე ზამთრის ბანაკი ბაკურიანში. იტალიური სკოლის მოსწავლეებისთვის ეს იყო მეგობრებთან ერთად დაუვიწყარი დღეების გატარების, ახალი მეგობრების შეძენის და დაახლოების არაჩვეულებრივი შესაძლებლობა.

თოვლი, თხილამურებით სრიალი, გამოცდილი ინსტრუქტორები , მზრუნველი პედაგოგები, მათთვის საყვარელი ანიმატორი და მრავალფეროვანი აქტივობები კიდევ უფრო შთამბეჭდავს და საინტერესოს ხდიდა მათ საბანაკო ცხოვრებას.

2023 წლის 16 დეკემბერს  კავკასიის უნივერსიტეტში, სამეცნიერო კონფერენცია "მედიაწიგნიერება ფორმალურ განათლებაში" გაიმართა, რომელიც კავკასიის მედიის სკოლის ორგანიზებით (გიორგი ჯოლოგუა)  გაიმართა და მის მუშაობაში აქტიურად მონაწილეობდნენ   ნინო ჟიჟილაშვილი, კავკასიის მედიის სკოლის დეკანი და ალუდა გოგლიჩიძე, კავკასიის განათლების სკოლის დეკანი, ასევე  მედიაწიგნიერების საკითხებზე მომუშავე უმაღლესი სასწავლო დაწესებულებების მკვლევრები და სკოლის პედაგოგები. კონფერენციის   მუშაობაში და პანელ დისკუსიაში მონაწილეობა მიიღო სკოლის ისტორიის პედაგოგმა მ. ფირჩხაძემ მოხსენებით „მედიაწიგნიერების როლი ისტორიის საგნობრივი დისციპლინის სწავლებაში“.

კონფერენციაზე ხაზგასმით აღნიშნა იტალიური სკოლის ჩართულობა მედიაწიგნიერების პოპულარიზაციაში.

კიდევ ერთი სიახლე! კიდევ ერთი ახალი პროექტი!

იტალიურმა სკოლამ და იტალიის ქალაქ უდინეს ,,Liceo scientifico Marinelli" განაახლეს ურთიერთთანამშრომლობის მემორანდუმი.

შეთანხმება ითვალისწინებს სხვადასხვა საერთაშორისო- საგანმანათლებლო პროექტების ერთობლივ განხორციელებას და ასევე გაცვლით პროგრამებს.

მეორე წელია, რაც იტალიურ სკოლაში, ნოემბრის თვეში დიდი დღესასწაული იმართება. უსაყვარლეს იტალიელ მომღერლებთან შეხვედრა - შარშან Ricchi e Poveri, წელს Al Bano -

ეს ის მომღერლები არიან, რომლებმაც ეპოქა შექმნეს და 60 წელია მათ სიმღერებს ემოცია არ აკლდება.

22 ნოემბერს ალ ბანო სკოლას ეწვია, მოსწავლეები მოუთმენლად ელოდნენ მასთან შეხვედრას, ამიტომ პატარა ინსცენირება მოამზადეს ,,მაგიური მუსიკა". იმდენად დიდი სიყვარულით გაკეთეს ყველაფერი, რომ მომღერალმა ასეთი ჩანაწერი დატოვა სამახსოვრო წიგნში: ,,დაუჯერებელი სიურპრიზი თბილისში. შთამბეჭდავი სიყვარული, რომელიც გულში იბადება და შემდეგ სიტყვებად იღვრება მათი პირიდან, ვისაც ასე უყვარს იტალია.

Al Bano."

სპექტაკლის მთავარი გმირი კი,გია ყანჩელის მუსიკა იყო...სწორედ ეს შეარჩიეს VII კლასელებმა მაგიურ მუსიკად. ბოლოს ბავშვებმა ამ დიდ მომღერალთან ერთად Felicità " იმღერეს.

იმედი გვაქვს,ნიკა ესაკია, რომლის ფანტაზიის წყალობაა ამ მომღერლების საქართველოში ჩამოყვანა, შემდეგ შემოდგომისთვისაც მოუმზადებს სკოლას დაუჯერებელ სიურპრიზს

სასწავლო გაცვლითი პროექტის ფარგლებში, წელს პირველად გვესტუმრნენ ქ. პალერმოს “მარია ადელაიდეს” სახელობის სკოლის 8 მოსწავლე და 2 მასწავლებელი. მოსწავლეები იცხოვრებენ თავიანთ თანატოლებთან ოჯახებში და ჩაერთვებიან საინტერესო აქტივობებში.

 

 იმედი გვაქვს, მათი სტუმრობა ჩვენს ქვეყანაში შთაბეჭდილებებით სავსე იქნება.

მიმდინარე სასწავლო წლის 18-25 ნოემბერს, პირველად გვესტუმრნენ ქ. პალერმოს "მარია ადელაიდეს" სახელობის საბაზო და საშუალო სკოლის მოსწავლეები, სასწავლო-გაცვლითი პროექტის ფარგლებში  "ავაშენოთ ერთად ევროპის მომავალი".  ქართველმა მოსწავლეებმა უმასპინძლეს თავიანთ თანატოლებს, რომლებსაც მაისში სტუმრობდნენ ქ. პალერმოში. იტალიელებმა ბევრ საინტერესო აქტივობებში  მიიღეს მონაწილეობა, მოინახულეს საქართველოს სხვადასხვა კუთხე, დაათვალიერეს თბილისი და ესტუმრნენ იტალიის ელჩს საქართველოში ენრიკო ვალვოს. იმედი გვაქვს,  აღნიშნული პროექტი კიდევ უფრო მეტად დაახლოებს ქართველ და იტალიელ მოსწავლეებს და საინტერესოდ გაგრძელდება ორმხრივი თანამშრომლობის ფარგლებში.

 ევროპის დღე 2023 -- იტალიური სკოლა ცისკარი - Italian School Tsiskari -ექსპო ჯორჯიაში"   

 მიმდინარე ევროპის დღისადმი მიძღვნილი ღონისძიების ოფიციალური გახსნის ცერემონია    

ჩვენი სკოლის 10 მოსწავლე სასწავლო - გაცვლითი პროექტის ფარგლებში, გაემგზავრა იტალიაში ქალაქ პალერმოში ,,მარია ადელაიდეს"სახელობის სკოლის მიწვევით.  

 პროექტის ფარგლებში დაგეგმილია მრავალფეროვანი და საინტერესო ღონისძიებები ქართველი მოსწავლეებისთვის. ისინი იცხოვრებენ იტალიელი თანატოლების ოჯახში, დაესწრებიან სასწავლო პროცესს სკოლაში, გაეცნობიან სიცილიის ღირშესანიშნაობებს    

 შემოდგომაზე კი იტალიელ მოსწავლეებს უმასპინძლებს ჩვენი სკოლა   

  იტალიური სკოლა წარმატებებსა და სასიამოვნო დროის გატარებას უსურვებს მოსწავლეებს იტალიის ამ არაჩვეულებრივ და საოცარ ქალაქში 

 1996 წელს თბილისში დაარსებული იტალიური სკოლა "ცისკრის" ორენოვანი სექტორის დამამთავრებელი დიპლომების გადაცემის ცერემონია: ელჩმა ენრიკო ვალვომ და სკოლის დირექტორმა მაია ლაგვილავამ, მასწავლებლებისა და მშობლების თანდასწრებით დიპლომები გადასცეს მოსწავლეებს, რომლებმაც იტალიური სკოლის დამამთავრებელი გამოცდა წარმატებით ჩააბარეს.

საერთაშორისო სექტორის ხუთი კურსდამთავრებული სწავლას იტალიის საუკეთესო უნივერსიტეტებში გააგრძელებს - იტალიის განათლების სამინისტროს მიერ აღიარებული დიპლომი მათ შესაძლებლობას აძლევს, ჩაირიცხონ იტალიურ სასწავლებლებში სწავლისთვის აუცილებელი იტალიური ენის გამოცდის ჩაბარების გარეშე.

ელჩმა ენრიკო ვალვომ აღნიშნა, რომ ეს უნიკალური შესაძლებლობა სკოლა "ცისკრის" ხანგრძლივი მუშაობისა და იტალიის საელჩოს მხარდაჭერის შედეგია და წარმატება უსურვა სკოლის მოსწავლეებს, რომლებიც სწავლას იტალიაში ან საქართველოში გააგრძელებენ.

იტალიური სკოლა „ცისკარი“ 1 აპრილს 12:00 სთ-ზე გიწვევთ ღია კარის დღეზე, გაგაცნობთ ჩვენს სკოლას, პროფესიონალთა გუნდს, სასწავლო პროგრამებს, სასკოლო გარემოსა და სკოლის უპირატესობებს.

გთხოვთ, გვეწვიოთ

31/10/2022

რუსუდან ყოინიშვილი - "საქართველოს დამსახურებული მასწავლებელი"

საქართველოს განათლებისა და მეცნიერების სამინისტროს ინიციატივით, მასწავლებელთა პროფესიული განვითარების ეროვნული ცენტრი  მასწავლებლის პროფესიის პოპულარიზაციის, პრესტიჟის ზრდის, წარმატებული პედაგოგიური პრაქტიკის გამოვლენისა და საზოგადოებისათვის საუკეთესო მასწავლებლების წარდგენის მიზნით, ატარებს ყოველწლიურ კონკურსებს. წელს, პირველად, საქართველოში იტალიის საელჩოს და საზოგადოება "მინერვას" ინიციატივით, ჩატარდა წლის საუკეთესო  იტალიური ენის მასწავლებლის კონკური, სადაც ჩვენი სკოლის მიერ   წარდგენილი იყო   იტალიური ენისა და ლიტერატურის საოცარი პედაგოგი, მრავალი წიგნის, მეთოდური კრებულის, თარგმანის და თვალსაჩინოების ავტორი, ბავშვებისთვის უსაყვარლესი პედაგოგი  რუსუდან ყოინაშვილი. ჩვენის სკოლისთვის სასიამოვნო მოულოდნელობა აღმოჩნდა ის ფაქტი, რომ ქალბატონ  რუსუდანს განათლებისა და მეცნიერების სამინისტროს სპეციალური კომისიის და განათლების მინისტრის ბრძანებით მიანიჭეს „საქართველოს დამსახურებული მასწავლებლის"  წოდება.  ვულოცავთ, ჩვენი სკოლის უსაყვარლეს და უძვირფასეს მასწავლებელს, მის მოსწავლეებს და კოლეგებს ამ გამარჯვებას. მადლობას ვუხდით ქალბატონ რუსუდანს  მრავალწლიანი წარმატებული და ნაყოფიერი მოღვაწეობისათვის

ლიდერებად არ იბადებიან, ლიდერობის სწავლა შესაძლებელია და ამას იტალიური სკოლის მოსწავლეები უკვე ამტკიცებენ!

• ლიდერული უნარ-ჩვევების გამომუშავება
• საქმიანი ურთიერთობების სტრატეგიის ჩამოყალიბება
• ინდივიდუალური განვითარების გეგმის ფორმირება
• დროის, იმიჯის, სხეულის მართვის სტრატეგიის შემუშავება
• სტრესისა და კონფლიქტების მართვის საბაზისო უნარების განვითარება

ჯერ კიდევ ორი თვის წინ ეს მხოლოდ მიზნების ჩამონათვალი იყო, ახლა კი იმ უნარების სიაა, რომლებსაც იტალიური სკოლის მოსწავლეები ფლობენ. 15 მარტიდან მათთვის სკოლაში სპეციალური პროექტი ამოქმედდა - ლიდერული განვითარების მყარი საფუძველი მოსწავლეებმა სასერტიფიკატო კურსით "ლიდერობა" შეიქმნეს. 

"გავხადოთ სამყარო უკეთესი"  - ეს კი ის ჯგუფური პროექტია, რომლითაც მოსწავლეებმა თითქმის ორთვიანი კურსი შეაჯამეს, მოამზადეს ინდივიდუალური პრეზენტაციები და შეძენილი უნარების დასტურად შესაბამისი სერტიფიკატებიც მიიღეს.

კურსს თავად პროექტის ავტორი გაუძღვა - პრაქტიკული თუ თეორიული მეცადინეობით მოსწავლეებს საჭირო გამოცდილება ეკონომიკის დოქტორმა, ადამიანური პოტენციალის მართვის ლაბორატორიის დამფუძნებელმა და აღმასრულებელმა დირექტორმა, ივანე ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტის ას-პროფესორმა, ეკატერინე გულუამ გაუზიარა.

მოსწავლეები სკოლის მმართველებს შორის - ეს იტალიური სკოლის ახალი რეალობაა.

ადმინისტრაციული სამუშაოს ნაწილს აქ მალე სწორედ მოსწავლეები ჩაიბარებენ - ლიდერული უნარების განვითარებისთვის სკოლის ადმინისტრაცია პასუხისმგებლობას ლიდერთა კლუბის წევრებთან გაიზიარებს.

კლუბის დებულება უკვე დამტკიცებულია, დაკომპლექტებულია ღონისძიებების ორგანიზების, ასევე, სპორტისა და მარკეტინგი-კომუნიკაციის მიმართულებებიც.

დღესვე მოსწავლეების არჩეულმა ლიდერმა კლუბის მიზნების შესახებ დეტალური პრეზენტაცია გამართა.  როგორ უნდა გაიზარდოს სასკოლო ცხოვრებაში ჩართულობის ხარისხი - ანა ათოშვილმა საკუთარი ხედვა და კლუბის სამოქმედო პროგრამა წარმოადგინა.

"მრავალჭირვარამგადანახადი, უნატიფესი ენა ქართული"

14 აპრილი დედაენის დღეა. 1978 წელს საბჭოთა კავშირის ხელისუფლებამ მოკავშირე რესპუბლიკებში ადგილობრივი ენისთვის სახელმწიფო ენის სტატუსის ჩამორთმევა გადაწყვიტა. საპასუხოდ თბილისში მასობრივი გამოსვლები მოეწყო, რამაც მოსკოვი აიძულა დათმობაზე წასულიყო.

ქართული ენის წარმოშობის ისტორია იტალიური სკოლის მოსწავლეებმა სცენაზე გააცოცხლეს. სხვადასხვა ასაკის ბავშვებმა, მე-20 საუკუნის ისტორიულ წიაღსვლებზე დაყრდნობით, ქართული კულტურული მემკვიდრეობის საგანძური წარმოაჩინეს.

გავიხსენეთ 9 აპრილის ტრაგედია და ამ დღის გმირები.

ღონისძიების დასრულების შემდეგ 7² კლასის მოსწავლეებმა ყვავილები მიიტანეს დედა ენის ძეგლთან.

ავტომობილებით გადატვირთული თბილისის ქუჩებში თანამედროვეობის ერთფეროვნებაა - ბრენდების ცნობა შორიდანვე იოლია დაკვირვებული თვალისთვის.

იტალიური სკოლის ესთეტიკისა და სპორტის კათედრის ინიციატივით, მეშვიდე პირველი კლასის მოსწავლეები თბილისის ავტომუზეუმს ესტუმრნენ, რომელიც კერძო კოლექციის ბაზაზე 2014 წელს შეიქმნა. 

მუზეუმის წარმომადგენლებმა მოსწავლეებს ავტომობილების ისტორიები და მახასიათებლები გააცნეს. ილია მეორის მანქანა, ავტომობილი, რომლითაც ედუარდ შევარდნაძე გადაადგილდებოდა და მანქანა ბიოგრაფიული ფილმიდან "ბონი და კლაიდი" - ეს იმ ნიმუშების მხოლოდ მცირე ჩამონათვალია, რომლებსაც მუზეუმი ერთ სივრცეში აერთიანებს და რომლებიც იტალიური სკოლის მოსწავლეებისთვისაც განსაკუთრებულად საინტერესო აღმოჩენებად იქცა..

იტალიური სკოლის მე-10 კლასის მოსწავლეებმა "მწერალთა სახლის" შენობა და დავით სარაჯიშვილის მემორიალური მუზეუმი მოინახულეს.

"სკოლები მუზეუმში" დავით სარაჯიშვილის მემორიალური მუზეუმისა და "მწერალთა სახლის" ერთობლივი პროექტია, რომელიც ზოგადსაგანმანათლებლო დაწესებულებებში მოსწავლეთა სასკოლო ცხოვრების გამრავალფეროვნებასა და არაფორმალური განათლებით გზით შემეცნებას ისახავს მიზნად.

სინამდვილეში დავით სარაჯიშვილი იყო, ალბათ, ერთადერთი ადამიანი, რომელმაც რეალურ ცხოვრებაში განახორციელა ის, რასაც ილია ჭავჭავაძე თეორიულად მთელი ცხოვრება ქადაგებდა და ალბათ, ამიტომაც არ იყო შემთხვევითი, რომ ილია ჭავჭავაძეს განსაკუთრებული დამოკიდებულება ჰქონდა დავითის მიმართ - ეს სიტყვები დათო ტურაშვილს ეკუთვნის.

ვანო სარაჯიშვილი, იაკობ ნიკოლაძე, მოსე თოიძე, მელიტონ ბალანჩივაძე, ფილიპე გოგიჩაიშვილი - ეს კი იმ გამოჩენილი ქართველი მეცნიერებისა და ხელოვანების  არასრული ჩამონათვლია, რომლებმაც  ცოდნა სწორედ დავით სარაჯიშვილის სტიპენდიით გაიღრმავეს.

სარაჯიშვილის ცხოვრებისა და მოღვაწეობის საინტერესო დეტალებს უკვე იტალიურ სკოლაშიც იცნობენ. სტუმრობამ "მწერალთა სახლის" შენობასა და მემორიალურ მუზეუმში X კლასის მოსწავლეების ცოდნა კიდევ უფრო გაამდიდრა.

სავარჯიშოების კრებული, რომელიც აბიტურიენტებს გამოცდის წარმატებით ჩაბარებაში დაეხმარება - საჩუქარი დამამთავრებელი კლასების მოსწავლეებმა ამჯერადაც იტალიური სკოლისგან მიიღეს.

აბიტურიენტებისთვის ისევ ქართული ენისა და ლიტერატურის პედაგოგებმა თამარ მთვარელიშვილმა და ეკა ჭკუასელმა იმუშავეს. სახელმძღვანელო სწორედ მათი ავტორობით მომზადდა და შესაბამისად, მას საფუძვლად მრავალწლიანი წარმატებული პედაგოგიური გამოცდილება უდევს.

სწორედ მრავალწლიანი ეფექტიანი მუშაობისა და მოსწავლეთა საჭიროების შესაბამისი კიდევ ერთი მნიშვნელოვანი რესურსის შექმნის გამო კრებულის ავტორებს მადლობა დირექტორმა მაია ლაგვილავამ გადაუხადა. პრეზენტაცია იტალიურ სკოლაში 7 აპრილს გაიმართა.