მართა არველაძის წარმატება ვაშინგტონში!
საქართველოს გაეროს მოდელირების ასოციაციის მხარდაჭერით, იტალიური სკოლის მოსწავლეთა კლუბის პრეზიდენტი, მართა არველაძე, ვაშინგტონში გამართულ საერთაშორისო გაეროს მოდელირების კონფერენციაში მონაწილეობდა.
მართა გახდა ერთ-ერთი გამარჯვებული და საპატიო დელეგატის სტატუსი მოიპოვა! ვულოცავთ მას და მთელ დელეგაციას ამ დიდ წარმატებას!
ანა ჯაფარიძე – წარმატების ისტორია!
15 ნოემბერს ჩვენი სკოლის სტუმარი იყო პარაოლიმპიადის ბრინჯაოს მედალოსანი, ანა ჯაფარიძე!
შეხვედრაზე მან მოსწავლეებს გაუზიარა თავისი მთავარი გზავნილი:
„შეზღუდული შესაძლებლობები არ არსებობს.” ძლიერი მოტივაცია და მიზანი წარმატების მთავარი გასაღებია.
ასევე, ანამ ისაუბრა ჯანსაღი ცხოვრების წესის მნიშვნელობაზე და ახალგაზრდებს მოუწოდა, იზრუნონ ფიზიკურ აქტიურობასა და ჯანმრთელობაზე.
ანა არის მაგალითი იმისა, რომ ნამდვილი წარმატება სირთულეების დაძლევით მიიღწევა!
საშემოდგომო არდადეგების პერიოდში საქართველოს გაეროს მოდელირების ასოციაციის ორგანიზებით, ჩვენი სკოლის მე-10, 11 და 12 კლასის მოსწავლეები ბრიუსელში გაემგზავრნენ, სადაც მათ საინტერესო სასწავლო პროგრამა ელოდათ!
პროექტის ფარგლებში, მოსწავლეებს დაგეგმილი ჰქონდათ ვიზიტი ევროპარლამენტში, ევროკომისიაში, ევროსაბჭოში, ეკონომიკურ და სოციალურ კომიტეტში, ასევე ევროპის რეგიონთა კომიტეტში.
მონაწილეებს საშუალება ჰქონდათ, დასწრებოდნენ შეხვედრებს ინსტიტუციების წარმომადგენლებთან, მოესმინათ სალექციო კურსი და კითხვა-პასუხის რეჟიმში განეხილათ სხვადასხვა თემები, ჩართულიყვნენ როლურ თამაშში და მოერგოთ ევროპარლამენტარების როლი.
შემდეგ, მოსწავლეები გაემართნენ ბელგიის ისტორიულ ქალაქებში — გენტსა და ბრიუგეში, ასევე მოინახულეს ლუქსემბურგიც, სადაც მათ უნიკალური არქიტექტურა და ულამაზესი ქუჩები დაათვალიერეს.
ჩვენი მოსწავლეები ახალი ცოდნით, გამოცდილებებით და დაუვიწყარი შთაბეჭდილებებით სავსენი დაბრუნდნენ.
განსაკუთრებული მადლობა პროექტის ხელმძღვანელს, ხატია ქობალიას, და მე-11, 12 კლასების დამრიგებელს, ნატა მიჩინაშვილს, ასეთი საინტერესო და ღირებული ინიციატივის მხარდაჭერისთვის!
სკოლაში ინტელექტუალური თამაში “ტვინების ბრძოლა” ჩატარდა!
პირველი შიდა სასკოლო ტური ორ ასაკობრივ კატეგორიაში გაიმართა: მე4, 6 და მე7, 11 კლასებს შორის, სკოლის ინტელექტ კლუბის ხელმძღვანელის, ვლას ვაწაძის, მხარდაჭერით.
ჩვენი გამარჯვებულები:
• მე6-1 კლასი - პირველ ასაკობრივ კატეგორიაში!
• მე9 კლასი - მეორე ასაკობრივ კატეგორიაში!
გამარჯვებულ გუნდებს მიეცემათ შესაძლებლობა, რომ საქალაქო ჩემპიონატზე იბრძოლონ, რაც მათ ქვეყნის რეგიონის გამარჯვებულ გუნდებთან ასპარეზობის შესაძლებლობას მისცემს!
წარმატებებს ვუსურვებთ ჩვენს არაჩვეულებრივ მოსწავლეებს.
სკოლის ლიტერატურული კლუბის წევრები შეხვდნენ საყვარელ პედაგოგს, დაჩი ნანობაშვილს, „მასწავლებლის ეროვნული ჯილდო 2018“-ის ფინალისტს და ოლიმპიადა „ევერესტის“ დამაარსებელს.
დაჩიმ გულწრფელად ისაუბრა წარმატების გზაზე, პროფესიისადმი სიყვარულზე და საყვარელ წიგნებზე, ბოლოს კი მოსწავლეთა კითხვებსაც უპასუხა.
ჯერ კიდევ პანდემიის დროს, სატელევიზიო გაკვეთილებით მოახდინა შთაბეჭდილება, ეს შეხვედრა კი კიდევ უფრო ემოციური აღმოჩნდა მოსწავლეებისთვის!
,,ერთად შეკრებილ ადამიანთა მასას შეუძლია ისეთი ძლიერი ემოცია ამოაფრქვიოს, რომელიც ადამიანებს უჩვეულო მოქმედებისკენ უბიძგებს... კოლექტიური ემოციის ზეგავლენით, ადამიანს ისეთი რამის ჩადენა შეუძლია, რაც მისი პიროვნებისთვის სრულიად უცხოა’’- ფრანგი სოციოლოგის გუსტავ ლებლონის ეს სიტყვები თეატრმცოდნე ნიკოლოზ წულუკიძეს, 10 ოქტომბერს, იტალიური სკოლის მოსწავლეებთან შეხვედრისას არ უთქვამს, თუმცა, შეხვედრის პირველივე წუთებში, შემთხვევამ მოიტანა და სტუმარმა საუბარი იმ ფრაზებით დაიწყო, რომელიც ლებლონის აზრს ერთგვარად მიჰყვებოდა და იზიარებდა. კერძოდ, მან ბრძანა:,, ადამიანსა და ზოგადად, საზოგადოებაზე ზემოქმედების უამრავი მექანიზმი არსებობს. ამ მექანიზმის ერთ-ერთი მთავარი იარაღია სიტყვა.’’
შეხვედრის ძირითადი სასაუბრო თემა თეატრი არ ყოფილა.
მოგონებას მოგონება მოჰყვა და ,,გათბა’’ დარბაზი, გაერთიანდა აუდიტორია და ამ მოგონებებმა, წარსულიდან დიდებულ ადამიანთა აჩრდილების გამოხმობამ თვალნათლივ აჩვენა, თუ რა იდუმალი ხერხები ხელეწიფება ბატონ ნიკოლოზს საიმისოდ, რომ მკვეთრი ხაზგასმის გარეშე, სადა, უშუალო, მწყობრი, დაბეჯითებული საუბრის სტილითა და მანერით სწორედ იმ თემებზე ესაუბროს ახალგაზრდებს, რომელთა მოსმენა (თუმცა საკუთარ თავს არ უტყდებიან) ძალიან სწყურიათ.
10 ოქტომბერს, იტალიური სკოლის დარბაზში შეკრებილი საზოგადოების ურთიერთობა, მათი სურვილი ,, დაფარული საუნჯის’’ დაცვის, გაფრთხილებისა და კვლავაც საზოგადოებრივი ცხოვრების წესად აღიარებისა, იმის იმედს იძლევა, რომ მომავლის ტახტზე კვლავ ,,Homo-Sapiens’’-ი ზის!
2014 წლის 7 ოქტომბერს იტალიურ სკოლა „ცისკარში“ მოეწყო მასწავლებელთა სტატიების კრებულის პრეზენტაცია . წიგნი წარმოადგენს 2023-2024 სასწავლო წელს იტალიურ სკოლაში
კრებული გარკვეულწილად ასახავს, სკოლაში მიმდინარე სასწავლო პროცესს: სწავლა-სწავლების მიმდინარეობის მრავალფეროვან მიდგომებს, კურიკულუმის გამოწვევებზე მასწავლებელთა მეთოდურ უკუკავშირს, ინოვაციების დანერგვას, ტექნოლოგიების გამოყენებას, რომლებიც მოსწავლეზე ორიენტირებული სასწავლო პროცესისთვისაა დამახასიათებელი და კარგად აჩვენებს - ღირებულებებზე, გლობალურ მოქალაქეობაზე, ცოდნის ეკონომიკაზე სასწავლო პროცესის მიზანმიმართულ ტრანსფორმაციას.
კრებულში წარმოდგენილია ინგა კახიძის, ასმათ გაფრინდაშვილის, მაია ალავიძის, ცისია სუხიაშვილის, ინგა თეთრაძის, ნანა ვაჩიბერიძის, მანანა თოფურიას, გიორგი სილაგავას ნანა გაბისონიას, თამარ ბერიშვილი, ნათია სიმონიას, სოფო ქენქაძის, თინათინ გოგიძის, შორენა მერაბიშვილის, ანა ბოჭორიშვილის, ქეთევან სიხარულიძის, ეკა ლაგვილავას, ეკატერინე მელქაძის, მაია ცინაძის, ეკა ჭკუასელის მაია ფირჩხაძის სტატიები.
კრებულში წარმოდგენილი სტატიების თემატური სპექტრი მრავალფეროვანია და მოიცავს: ლიტერატურის სწავლების ინოვაციურ მეთოდებს, გეომეტრიის ინტერაქტიულ პროექტებს, ბუნებისმეტყველების პრაქტიკულ აქტივობებს, ენის სწავლებას ტექნოლოგიებით, ხელოვნების, ისტორიის, STEM - ის საგნების პროექტებს და ოცდამეერთე საუკუნისთვის საჭირო უნარების და კომპეტენციების განვითარების თანამედროვე სტრატეგიების დანერგვის პროცესების ანალიზს. ეს მრავალმხრივი მიდგომა ხაზს უსვამს თანამედროვე განათლების კომპლექსურობას და იმ გამოწვევებს, რომლებსაც პედაგოგები ყოველდღიურად უმკლავდებიან. კრებული წარმოადგენს არა მხოლოდ თეორიულ ნაშრომს, არამედ პრაქტიკულ გზამკვლევს თანამედროვე პედაგოგებისთვის. იგი გვთავაზობს კონკრეტულ სტრატეგიებს და მეთოდებს, რომელთა ადაპტირება და დანერგვა შესაძლებელია სხვადასხვა საგანმანათლებლო კონტექსტში. ესაა ერთგვარი მოწოდება პედაგოგისთვის - გაბედულად შეაბიჯონ ინოვაციების სამყაროში, გამოიყენონ ტექნოლოგიები არა როგორც თვითმიზანი, არამედ როგორც ძლიერი ინსტრუმენტი სწავლების ხარისხის ასამაღლებლად და მომავალი თაობების უკეთ მოსამზადებლად XXI საუკუნის გამოწვევებისთვის.
ბოლო ზარი იტალიურ სკოლაში
ვულოცავთ ჩვენს მოსწავლეებს
სკოლის დამთავრებას და ცხოვრების ახალ ეტაპზე გადასვლას.
ვუსურვებთ წარმატებულ, საინტერესო, თავგადასავლებით სავსე ლამაზ მომავალს.
თანამედროვე ეტაპზე ხელოვნური ინტელექტი აქტიურად გამოიყენება სასწავლო პროცესში შემოქმედებითი ამოცანების გადაჭრისთვის და სასწავლო გარემოს მრავალფეროვნებისთვის.
„ჩვენი საქართველოს“ საგანში (პედაგოგი მ. ფირჩხაძე), VI კლასის მოსწავლეებმა საინტერესო ვიდეო-პროდუქტები შექმნეს Vidnoz AI - ის დახმარებით თემაზე „თბილისის რეგიონი“:
ვიდეოების ნახვა შეგიძლიათ მითითებულ ბმულებზე:
https://share.vidnoz.com/aivideo?id=3613811
https://share.vidnoz.com/aivideo?id=3676514
https://share.vidnoz.com/aivideo?id=3704389
https://share.vidnoz.com/aivideo?id=3690496
25 აპრილს სკოლის ლიდერთა კლუბის ინიციატივითა და ინტელექტ კლუბის ხელმძღვანელის, ვლას ვაწაძის მხარდაჭერით ჩატარდა შიდა სასკოლო ინტელექტუალური თამაში ,,რა? სად?როდის?” სამ ასაკობრივ კატეგორიაში.
(III-V კლასი, VI-VIII კლასი, IX-X კლასის მოსწავლეებს შორის).
ასაკობრივი ჯგუფების მიხედვით გამოვლინდნენ ტურნირის გამარჯვებულები.
პირველ ასაკობრივ კატეგორიაში გაიმარჯვა V1 კლასმა (დამრიგებელი: დალი ქოქოშვილი), მეორე ადგილი მოიპოვა VIII კლასმა (დამრიგებელი: ცისია სუხიაშვილი), მესამე ადგილი კი დაიკავა IX1 კლასმა (დამრიგებელი: ნანა გაბისონია).
თამაში ძალიან საინტერესოდ წარიმართა და მოსწავლეთა მაღალი ინტერესი გამოიწვია.
წარმატებებს ვუსურვებთ როგორც გამარჯვებულ მოსწავლეებს, ასევე ყველა მონაწილეს.
იტალიურ სკოლას სტუმრობდნენ ,, საქართველოს ახალგაზრდა დიპლომატების" კლუბის წევრები, რომლებიც შეხვდნენ უფროსკლასელებს პროექტის: ,,ახალგაზრდების ნაბიჯები საქართველოს ევროპული თავგადასავლისკენ" ფარგლებში.
ღონისძიების მსვლელობისას გაიმართა შეხვედრები, როგორც ევროკავშირის ისტორიის, ასევე საქართველო- ევროკავშირის ურთიერთობისა და თანამშრომლობის შესახებ.
პროექტი ითვალისწინებდა სხვადასხვა აქტივობებს და მოსწავლეებისთვის საინტერესოდ წარიმართა.
საქართველოს ახალგაზრდა დიპლომატთა კლუბი • Young Diplomats' Club of Georgi
24 აპრილს იტალიური სკოლის ბიბლიოთეკაში შედგა ,,როდარიანელი"-ის სახელდება, რაც ფანტაზიის დღესასწაულად იქცა.
იტალიელი საბავშვო მწერალი და პედაგოგი ჯანი როდარი ფანტაზიის დიდი მაესტროა, ამიტომაც ,,ფანტაზიას ვინც ფრთას ასხამს, ის როდარიანელია!!!"
გაზაფხული განახლების ჟამია,იბადება ახალი იდეები და ფანტაზიები. სწორედ წელს,გაზაფხულის პირველ დღეს, იტალიური სკოლა ნამდვილ ,,ფანტაზიის სამყაროდ" იქცა.
სკოლის დარბაზში საოცარი საგაზაფხულო საღამო მოეწყო. ამ საღამოს შემოქმედნი კი ჭეშმარიტად იმსახურებენ ,,როდარიანელი"-ს სახელს: ქ.მაია ლაგვილავა,ქ.ეთო ხუციშვილი,ქ.ლალი ყანდარელი.
,,როდარიანელები" გახდნენ მოსწავლეებიც: ვასკა გველესიანი,ფილოსოფიური ლიტერატურული ჩანახატებისა და ფილისოფიური ზღაპრისთვის ,,იქ მაღლა ცაში". ალექსანდრე გორდეზიანი, საღამოს რეჟისურისთვის, რომელიც ბავშვობიდან ანსახიერებს როდარის პერსონაჟებს და ამჯერად დაიწყო მუშაობა სპეკტაკლზე ,,ჯელსომინო ცრუთა ქვეყანაში." ასევე, ყოფილი მოსწავლე საბა გლოველი, უსაზღვრო ფანტაზიით და პოეტური თვალით შექმნილი ფოტოებისთვის.
მომავალში ,,როდარიანელი" შეიძლება გახდეს ნებისმიერი პიროვნება, თუკი საკუთარი ფანტაზიით სიხარულს მიანიჭებს სხვებს
იტალიურ სკოლაში 13-17 მაისს ბულინგის საწინააღმდეგო კვირეული გაიმართა.
სკოლის ფსიქოლოგთა გუნდის ინიცირებით, კვირეულის ფარგლებში თემატური შეხვედრები შედგა სამივე საფეხურის მოსწავლეებთან.
სასკოლო სივრცეში განთავსდა ე.წ ,,ბულინგის ყუთი" მოსწავლეებისთვის, ბულინგთან დაკავშირებული ანონიმური ისტორიების გასაზიარებლად.
მე და საზოგადოებისა და ხელოვნების პედაგოგების დახმარებით, მოსწავლეებმა დაამზადეს პოსტერები და საინფორმაციო ბუკლეტები, რომლებიც სკოლაში გამოიფინა.
ბულინგის საწინააღმდეგო კვირეულში აქტიურად იყვნენ ჩართულები სკოლის VIII კლასის მოსწავლეები, რომლებმაც საინტერესოდ განიხილეს ბავშვებთან ჩაგვრის მიზეზები, ფორმები და შედეგები, ისაუბრეს ტოლერანტობისა და ემპათიის მნიშვნელობაზე, ასევე, იმსჯელეს ჩაგვრის დაძლევის გზებსა და პრევენციულ ღონისძიებებზე.
კვირეულის მსვლელობისას, ლიტერატურული კლუბის ფარგლებში შედგა პედაგოგების (ლალი ყანდარელს, გიორგი სილაგავას, ქეთი მუმლაძის, ასმათ გაფრინდაშვილსა და მაია ალავიძის) შეხვედრა მოსწავლეებთან ამ აქტუალურ საკითხთან დაკავშირებით. პედაგოგებმა მოსწავლეებს გააცნეს თავიანთი ბავშვობის წიგნები, სადაც მთავარი მესიჯი იყო სიჯანსაღე ურთიერთობებში, სიკეთისა და სიყვარულის აუცილებლობა, მეტი ემპათიის საჭიროება.
პატარა მსმენელებში დიდი ინტერესი დაიმსახურა მათ მიერ მოყოლილმა ისტორიებმა.
22 აპრილი დედამიწის დღეა!
გარემოზე ნეგატიური ზემოქმედების შესამცირებლად, საბუნებისმეტყველო მეცნიერებათა კათედრამ სხვადასხვა კლასში ჩაატარა საუბრები, დისკუსიები, პრეზენტაციები თემაზე „მწვანე დედამიწა“.
მოსწავლეებისთვის განსაკუთრებით საინტერესო აღმოჩნდა ელექტრომობილების შექმნის, წარმოებისა და გამოყენების განხილვა. თუ როგორ ამარტივებს განახლებადი ენერგიის მარაგების შექმნა დედამიწაზე ადამიანთა ჯანსაღ ცხოვრებას. (პედაგოგები: ცისია სუხიაშვილი, მაია ცინაძე).
ღონისძიების დასკვნით ეტაპზე, მოსწავლეები ესტუმრებიან ავტომობილების მუზეუმს ავტოექსპერტებთან შესახვედრად.
ჩვენი სკოლის მოსწავლეები ტუშას უნივერსიტეტიდან დაუვიწყარი შთაბეჭდილებებით სავსენი დაბრუნდნენ.
მოსწავლეები გვიზიარებენ თავიანთ ემოციებს და გამოხატავენ მადლიერებას იმ ადამიანების მიმართ, ვინც მისცა საერთაშორისო განათლების მიღების არაჩვეულებრივი შესაძლებლობა.
15 მაისს იტალიაში, ქ. რომში, დანტე ალიგიერის სათავო ოფისში ხელი მოეწერა შეთანხმებას, რომლის საფუძველზეც ჩვენი სკოლა გახდა ADASIM -ის (მსოფლიოს იტალიური სკოლების დანტე ალიგიერის ასოციაციის) წევრი.
ამ ხელშეკრულების თანახმად, იტალიური სკოლის მოსწავლეებს არაერთი საინტერესო-საერთაშორისო პროექტის განხორციელების შესაძლებლობა ეძლევათ.
იტალიის საგანგებო და სრულუფლებიანმა ელჩმა, ბატონმა მასიმილიანო დ’ანდტუნომ, საქართველოში საერთაშორისო სექტორის მოსწავლეებს სკოლის დამთავრება მიულოცა და იტალიის სახელმწიფოს მიერ აღიარებული დიპლომები გადასცა.
კიდევ ერთხელ ვულოცავთ ჩვენს მოსწავლეებს ცხოვრების ახალ ეტაპზე წარმატებით გადასვლას.
იტალიურ-ქართული ორენოვანი დიპლომის დაჯილდოების ცერემონიალთან დაკავშირებით ინფორმაციას სააგენტო ANSA ავრცელებს.
11-12 აპრილს იტალიურ სკოლას სტუმრობდნენ გლობალური კამპანიის „კაცები ზრუნავენ“ სპიკერები, ალექსანდრე ლორთქიფანიძე, დავით გორგილაძე და ირაკლი ლიპარტელიანი. მათ მომზადებული ჰქონდათ თემები გაჯეტებთან დამოკიდებულებაზე, ბულინგსა და უთანასწორობაზე, ემოციების გამოხატვაზე.
სასაუბრო თემები მიმართული იყო 11-13 წლის ბიჭებისთვის, რათა მათ ასაკობრივ კატეგორიაში ხელი შეუწყონ ძალადობრივი ქცევის პრევენციას და მხარი დაუჭირონ თანასწორობის გაღვივებას, ემოციების სწორ გამოხატვას, ჰარმონიული გარემოს შენარჩუნებას, გაჯეტებზე დამოკიდებულების შემცირებას.
იტალიური სკოლის სახელით მადლობას ვუხდით სტუმრებს მნიშვნელოვანი შეხვედრების ორგანიზებისთვის.
მოზარდებისთვის საინტერესო და დამაფიქრებელი იყო შეხვედრაზე განხილული საკითხები.
იტალიურ სკოლას
ახალგაზრდა პოეტი, ალექსანდრე მიშელაშვილი სტუმრობდა.
შეხვედრაზე პოეტმა თავისი შემოქმედების გზაზე ისაუბრა, მის მინიმალისტურ პოეზიაზე, რომელშიც ადამიანის ბუნებასთან ურთიერთობა, ფასეულობები, ერთგულება და ღირსების საკითხებია გადმოცემული, შემდეგ კი დიალოგებსაც დაუთმო დრო.
მოსწავლეები მათთვის საყვარელ მინიმებს კითხულობდნენ, შემოქმედებაზე საკუთარ აზრებს გამოთქვამდნენ და მთავარ სათქმელზე მსჯელობდნენ.
ეს დღე შთაბეჭდილებებით სავსე იყო როგორც სტუმრისთვის, ასევე მოსწავლეებისთვის.
სკოლის სახელით მადლობას ვუხდით მოწვეულ სტუმარს, ალექსანდრე მიშელაშვილს, არაჩვეულებრივი და დასამახსოვრებელი შეხვედრისთვის.
10 აპრილს იტალიურ სკოლაში სტუმრად გვყავდა ანიმაციების რეჟისორი, სანდრო ქათამაშვილი.
რეჟისორმა მოსწავლეებს გააცნო ანიმაციების შექმნის ისტორია, თუ როგორ შეუძლიათ ნახატების გამოყენებით ანიმაციების აწყობა, თანაც ძალიან მარტივად.
სანდრო ქათამაშვილის საგანმანათლებლო პრეზენტაციამ მოსწავლეებში დიდი ინტერესი გამოიწვია. იმედი გვაქვს, ანიმაციისა და ნახატების შეცნობით სწავლა უფრო სასიამოვნო და სახალისო გახდება მათთვის.
ვებ-გვერდის განახლების თარიღი - 05/12/2024
Powered by aSc EduPage